Populära bibelverser från Luka 3

Dela

lōku hallee baptismomi pātati Jesu zakke baptismomi pātiwaha prārdhana kīhi manzaliĕ hāgu dettai āhi parishudhātma anga wāna āhi pawara lehe evani muhe rēẓa wāte, embatiĕ:— nīnu nā zīwu gatti mrīenati, nī bakkiti nānu rāha āhi maï inzihi ro ha’ali hāgu lekkoti rēte.

Johanu:— nānu ējuti minge baptismomi hīhi manzaï, ātihe nange kiha blāju gattasi roosi wāhi mannesi evani cheppunga wāru ātiwa hukhali nānu pāḍa ātatee aĕ, evasi parishudhātmatee hiẓẓutee minge baptismomi hījanesi.

wenḍe zīwutaki tagiti phalomi kampi kīdu — Abrahamu mange tanzi inzihi mīmbu mīmbu inzakoddali dakk māthaadu; Paramushreela ī walka walla Abrahamutaki pōdipōda zarnikījali āḍinesi inzihi mī tulle wessi manzaï.

nīeniĕ kla’ali mrānu hīruta ittitai āha manne, lakka nehi phalomi kampaa wālati mrānu tūnha tūstai āhi hiẓẓuta methnai āne inzihi westesi.

ēnēẓuĕ evasi wāhiwaha pāpu kshamāpana kōsomi wenḍe zīwuti bāptismomi pātali inzihi Jordanu kadda bakki bahē wēkhi maẓẓesi:— prabhu zīju mlipha tuh’du evani zīngani nimmanima kīdu wālati zēspi nehi kīnai āne wālati hōruwa kudriwa sadunu mliphnai āne wangwa manni zīnga harḍa ānu gazi gazi zīnga nehinu wālati anganga Paramushreeni rakshana meh’neri, inzihi zāḍata killeḍi kīhi manni rooni hāli inzihi gūrū ati Jeshaja pustakomita rāẓiti lehe īdi zargite.