Populära bibelverser från Jǒn 14

Dela

Me m/mîng běn ne bunyîn-dyityém. Bunyîn-dyityém ḿbú ejí nké mu n-kyâ běn. Me n*da běn ekye kámbú wǎ eringe nyí ejíí nyi e-kyâ*. *Da n̂g ekûkédê ofong* ba-shî ng bushî*.

Jisos o-faa ǎ o/fu, me nké mu bukwóp ḿbú adakâm Bonchí. Me n-chi i to ntûntû ne dyikpen. Onet o*fí nang obónge mú odawâa o-kâm Bonchí ejí* â o*da/cen ké bubwô ejí*.

Jisos o-sét kámbé o/fu, ofong o*dachi o-kédê běn* nké bángê ê ne Osówo ne atyém enen. Bángê ê to ne me ne atyém enen.

Nké Busun-Osówo ḿbú mbu Nchíchwábáng, ḿbú Bonchí ejí o/chi o-twóm ké bubwô ejí bu/chi bu-tángê běn kángkáng byěm, ne bu-chi běn to ba-zîim kángkáng byěm ḿbyí nn/sét běn.

Nang yeě nké mu o-koo ng byije ejí, ne mu o-chi i wǎ eringe nyí byi/sét, onet ámu o-chi i onet mú me mu n-jê ng ǎ. Onet mú me mu n-jê ng ǎ o/chi o-jê Bonchí ejí. Onet ámu to o/chi o-jê mě, ne n-tông ng ǎ byiko ejí wááng.

Me n/chi m-bí Bonchí ejí, ne nyǐ o/chi o-kye běn Nchíchwábáng okíri, ányi Busun-Osówo ḿbú budasét ntûntû, ḿbú bu/chi bu-waa ne ben ne banyá. Ejíí ee*man ekoo kámbú* ké nǎ, ee*man eri kámbú* e-nyît nang kámbú*. Nké ben bamu ba-nyît ng kámbú, ké ebóng, mbú bu-waa ng ne ben, ne mbu běn to ké dyityém.

Me n/chi n-chi to nang ebóng chwǒm ńkyí ben bamu ba-bí ng mě, â ba/kó dyizîn ejí, eringe nyí busa ḿbú Bonchí ejí bu/chi bu-byí wááng ké bubwô ḿbú Wǎn emen. Â ben ba/kó dyizîn ejí ba-bí mě nang ebóng chwǒm, me n/chi n-chi kánkyí.

 me mu n-jê ng běn, ben ba/chi ba-kûchi ńkyí byije ejí byi/fu, bachi.

Banfût mbe kô chwóó ké kyise ńkyí Bonchí ejí, ne me mu n-wâa ng n-da-kpá byiko n-tî běn kyikit. Â kyi/mû kyi*fí éné* me m/mû n/chi n-sét běn n/fu, me n-câ n-da-kpá byiko n-tî běn kyikit?

Ké nkéré mú nn/da běn etî kyikit, me n/chi m-bwa esim m-ba-kpî běn n-fé ké byiko, eringe nyí ben badaribi ké kyikit ńkyí me mu.

Tómos o-sét ǎ o/fu, Otu Kyítá be byi*fí byi-nyît ng kyikit ńkyí wo amu a-wâa ng* byi-cen n nǎ kâng ne byi-nyît bukwóp ḿbú byidacen ne byi-ribi áku.