Populära bibelverser från Jénésis 17

Dela

Ńdyí Ébaram oo/rí bajam-aje banyii esim onyiryiká ne anyii, Óburúkpâbí o/byí o-kâm ǎ o-raa ne nyǐ o/fu, me n-chi i Osówo mú o/rêe o-shwôm. Kûchi ńkyí nda ǒ esét, a-chi ńkyí nkyi kanong kángkáng nkéré.

Wo aa*bángê to Ébaram* a-kû ng ebángê Ébarahâm, ké nǎ, me mu n-chi i ǒ a-firi bonchí mú eshê chwóó.

Me n/chi n-tî ocím ejí mú n/ryí ne wo ne bwǎn eyên ké nkéré mú mu o-bâ ké kashú, ne o/chi o-waa ne banyá. Me n/chi n-kyú Osówo eyên ne mú bwǎn eyên.

me mu n-ryí i ocím mún ne wo. Me n/ryí ocím n/fu, wo a/chi a-kyú bonchí mú eshê chwóó.

Nké Osówo o/faa ǎ o/fu, aa*wááng*. Sirá mú onyi eyên o/chi o-fwon ǒ wǎn-onyinchéng mú a/chi a-fé ǎ dyizîn ńdyí badakó Ázik. N/chi n-tî ocím ejí mú n/ryí ne nyǐ ne bwǎn emen, mú o/chi o-waa ne banyá.

Me n/chi n-kúng esí ńnyín nyí amu ké nyǐ kántîk wǎ ocinónet n-kye ǒ ne bwǎn eyên. Esí emúmú nyí Kínan e/chi e-kyú nyí bwǎn eyên ne banyá ne banyá, ne me n/chi n-kyú Osówo ebe.

Ébarahâm o-tíngê kyísí o-ta mbwô ké ecing, nké o/kpet ejwó ńdyí o/bí dyityém emen o/fu, onyinchéng mú oo/rí bajam-aje batánge o-chî ng eman efwon wǎn? Sirá mú oo/rí bajam-aje banyii esim diǐkpú o-chî ng eman efwon wǎn?

Osówo o-sét Ébarahâm o/fu, aa*kó to onyi eyên Sára*. Kyi-fím kántîk kyi-ca kashú, a-man a-kû ǎ ekó Sirá.

Kyi-fím kántîk kyi-ca kashú, ba-man ba-cên wǎn-onyinchéng nang orá mú ba/fwon ǎ o-rí ací nyíryinyi, cibicibi ne básóng ḿbé badafwon ké byise enen ne ḿbé badaré kyíjí. Ńkyín kyi/chi kyi-tông kyi/fu, be byi/ryí ocím ne barî.

Nké n-tî ng ocím ejí mú n/ryí ne Ázik mú wǎn eyên, mú Sirá o/chi o-fwon nkéré mún, ké dyije ńdyí ndyi dyi-bâ ké kashú.

Kyi-fím kántîk kyi-ca kashú, ba-man ba-cên wǎn-onyinchéng nang orá mú ba/fwon ǎ o-rí ací nyíryinyi, cibicibi ne básóng ḿbé badafwon ké byise enen ne ḿbé badaré kyíjí. Ńkyín kyi/chi kyi-tông kyi/fu, be byi/ryí ocím ne barî. Ba-man ba-cên nang wǎn orá, ne ńkyín kyi/chi kyi-tông ekap nyí badari wááng ba/fu, ocím ejí mú n/ryí ne ben o-waa ng ne banyá.