Populära bibelverser från YAHYA 15

Dela

“Ui ini Lawa Anggur, idi muyuh angat-angatneh. Kudeng idé-idé luk lutep bang Negku, idi Ui pana' bang neneh, ieh miak kebua' mula'; ngaceku kudeng Ui na ngedengan nemuyuh, muyuh na miak nganau' anun-anun.

Do' muyuh lutep bang Negku, idi Ui pana' bang nemuyuh. Mepad kudeng angat na miak kebua' dengan lalud bururneh sebuleng, kudeng na lutep bang lawa anggur, kudeng ineh teh muyuh pana' na miak kebua' kudeng muyuh na lutep bang Negku.

Kudeng muyuh lutep bang Negku, idi balaKu lutep bang nemuyuh, do' mutuh anun-anun luk pian muyuh, idi ineh luk miak mangun kuan muyuh.

Baken muyuh luk nemili' Negku, iamo' Ui ini luk nemili' nemuyuh idi nengeletep nemuyuh, pad muyuh amé' ngeruat mula' bua', idi pad bua' muyuh ineh meruked peh. Idi anun-anun luk pituen muyuh ratnan Taman bag ngadanKu, Ieh miak maré kuan muyuh.

Na luk idi seburur pana' luk inan awa luk meluun rayeh ratnan ini, ieh ineh pad ieh maré ulunneh ngaceku amung-amung luk rurumneh.

Anid-anid angat luk bang Negku luk na kebua' miak tetuinNeh; idi anid-anid angat luk kebua' ruenNeh ngalét pad bua'neh meluun ula'.

Ini ukumKu, ieh ineh do' muyuh mawa seburur inan seburur mepad kudeng Ui pangeh mawa nemuyuh.

Bang amung ini rayeh TamanKu uen ngegala', ieh ineh kudeng muyuh kebua' mula', idi muyuh miak mangun ku anak-anak sekola'Ku.

“Ui ini Lawa Anggur luk matu, idi TamanKu, Ieh ineh luk ngasa' neneh.

Kudeng idé-idé luk na lutep bang Negku, ieh miak talan mepad kudeng angat ineh, idi mangun tekering. Muci lemulun miak ngamung angat-angat ineh idi ideh miak talan bang apui, idi sabpen.

“Idi Ui pangeh nemala amung ini kuan muyuh, pad awangKu tudo bang nemuyuh, idi awang muyuh pana' meriput peh.

Kudeng muyuh maya' ukum-ukumKu, kali' rungen muyuh miak lutep bang awaKu, mepad kudeng Ui pangeh nemaya' ukum-ukum TamanKu, idi nelutep bang awaNeh.

Ini luk dukenKu nemuyuh, pad muyuh mawa seburur inan seburur.

Kudeng muyuh ratnan tana' ini, kali' rungen tana' ini miak mawa nemuyuh mepad kudeng pupuneh sebuleng. Iamo' muyuh baken ratnan tana' ini, ngaceku Ui pangeh nemili' nemuyuh ratnan tana' ini. Ini punneh tana' ini megateh nemuyuh.