Populära bibelverser från Yohane 15

Dela

“Yeny ni nsabibu neeni mukava ni maramba a vayo. Yeto akaa-fo akulungye neeny, neeny shavekaa-fo shikulunngye nawe, mmbwe avikaa ndunda shiingyi. Mashika kwakooya muraukani neeny mmushiidimaa itana kindo nta-fo.

Kekaeny-fo mukulunngye neeny, neeny shivekaa-fo shikulunngye neeni. Kikava shaasa iramba lyilashiidimaa ivika ndunda lyikee kyaanya kya vayo kwakooya kulaore lyikulunngye na nsabibu, neeni ni kiwo-da, kwakooya kulaore mwakaa-fo mukulunngye neeny.”

Kwakooya mwakaa-fo mukulunngye neeny na marero yoo akwa kwakooya mwakaa nang'u efo nriminy, mmbo muningwaa wo kindo mwankunda ikitereva-u.

Nta shi yeni muleshisauwa-fo. Ni yeny shilemusauwa yeni, shamuruma mweende mundevika ndunda. Na ndunda yeto tany muvikaa tikooye ikaafo llung'anu. Na wo kindo mwankitereva Nde kikee kya irina lyakwa naambo naidimi imuniinga.

Nta nkwiifoo nndu atiri ukundi uniini ngota elyi areka muu wakwe kimaruma kya mbuya takwe-fo.

Wo iramba lyikulunngye neeny lyikara lyilavika ndunda mmbo alyiammbwaa-fo. Na elyo lyiiyo lyoose lyivikaa ndunda kalyilyisa lyeengere ivika ndunda.

Ivavaso lyakwa mmbo lyikee indi, kundaniny muveni na veni shaasa shilevemukunda yeni.

Kindo Nde-yaakwa akooya ing'aniswa nakyo ni elyi mwavika ndunda shiingi, mukashiviiya vakiloshyony vakwa.

“Yeny ni nsabibu wa dede na Nde-yaakwa kava mmbwe nremi.

Kwakooya kulaore nndu akaa-fo akulungye neeny mmbo asheerwaa poo sha iramba nandeuma. Nang'u akasanyiryo andeerwa murony akorwa.

Akakakyo shammeemuvia indo naambo nsia yeto ushitiri yeny ukooye imwaanga yeni na nsia yeto wany weende ing'ana.

Kwakooya mwaringa mavavaso akwa llyoo-ny mushekaa na ukundi lwakwa. Shaasa na yeny shiriingye mavavaso a Nde-yaakwa shavekaa na ukundi lwakwe.

Naasa ivavaso lyakwa lyikava llyo elyo lyeamba, Kundaniny!”

Kukooye mwekee vakyuulana, ulana yelu mmbo lwemukundaa lwiishi mukee va vayo. Indi elyi mwanra mulava vakyuulana neeny shamusauwa shimuuta ulaniny, nkyo kimaruma ulana lukamusua yeni.