Populära bibelverser från Luka 6

Dela

Virɨntəna away a ɗaha hay, kwene kini Askwaf ǎ vərkuna, wuran ǎ hahətskunde ba dunduna a bəhwa hay kwan de, i gurɗay ba hasha, i ndikɗay, i ruhɗay ha hicke ala agide. Aɗaba ba daram gə kwene kwa gurɨlhətan away a ɗaha hay al ayina saŋa ga, Askwaf kini ǎ le a gurɗilhəkwan aba al ahan.»

Ɗu sələmna ga, mɨkiyede ba s'iməɗinna caŋŋa ada bembec ene ka gə isələmna i ndikɗay ede saŋa. Ɗu ɓutsam kini mɨkiyede ba s'igə məɗay bə saŋa ada bembec ene ka gə ba məɗay bə tsəre caŋŋa i ndikɗay ede saŋa. Aɗaba me ga, dza ba s'igə i ndikɗay a bembec de a ɗuhan.

Amá kwene ga, micɨntan i ɗa dawa kwan, gɨntən səlam tsəre, kilɨntəna away, tama kwan á za bə cine apə isahan‑a a mbəɗɗilhəkunariya. Kugwan ga, kwene à kwá nje ribe duwuna, à kwá giya wayə s'Askwaf gə i kufa ka aŋa a away hay‑a ba cecena saŋa. Aɗaba wuran gɨtən səlam tsəre a ɗa gə ɗa sləkəɗəna bə me ayina atə a ɗa zlasaw.

Yinmɨntənde mərga a ɗaha hay ka i Pəbe kwan gə yəmtənde mərga a ɗaha hay saŋa.»

«Bərɨna bə ɗaha i sheriya, kwene kini Askwaf ǎ birkwene bə i sheriya. Nenɨna bə ɗaha i sheriya, kwene kini Askwaf ǎ ninkwene bə i sheriya. Ɓushɨn hipe a ɗaha, kwene kini Askwaf ǎ ɓushɨkunka i kwan.

«Na əŋ dzakuna zla, kwa ɗa gə kwa tsukw me hwa saŋa: Micɨntan i ɗa dawa kwan, gɨntən səlam tsəre a ɗa gə ɗa mickwene ba aride saŋa. Ɗikɨntənande barka a ɗa gə ɗa kakəɗkun slahan, ŋeŋelɨntənande Askwaf a ɗa gə ɗa gɨkun palase.

Ba kəla igə kwene kwa gus ɗaha ɗa gəkikuna ayikuna saŋa ga, kwene kini gɨntəna a ɗaha hay ba kugunhan.

Abə ɗa slaɗiyaka a slərsləmay de ga, mbəɗənakude slərsləmay s'iŋgeɗe adəɓa a ɗuhan. Gha ɗa tsəmipaka səɗava aka kini, ghanŋa ba a ɗuhan a tsəmɗipaka jampa ene. Gha wiya mbutsəka away a ma aka de kini, vərna. Ɗu gə abə təvəkpaka iyaka kini mbuciya ba.

«Məman shishka sələmna ga, waha bə kine məɗay bə saŋa. Məman shishka gə al aray bə kini, waha bə kine məɗinna.

Gha məman shishka gəna kini ɗa sənede aba apə kine ene ka. Aɗaba ɗa ɗugɨka bə kine bikwa apə məman shishka gə al adəga, kine s'inabuhi kini ɗa ɗugɨka ba apə hwəla ka.