Populära bibelverser från Maka 10

Dela

Omadeuvo jari aṉa maba a eveni lala ta pui aba kuevi tu maba poso ta kela iruruputo melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Nio vo Jisu ta o toiritoirimake se ni eri ma kiolake, “Maba ta pui opa pakiovou o ṉavi melai Baṉara inio o pakievou vo, ako Baṉara o kiada inio o roveani sole ereko kiadama quli,” kiolake.

Nio Jisu ta o vati tiorikake ni eri kiolake, “Ola. Noko vai oqu vo Baṉara ta ko urikiṉa ṉo sole,” kiolake. Nio maba koa taku kale inio vota o roveake kelokelozato, ni o luluevake vo Jisu.

So sole nioqa vo Baṉara omadeu o ikeni nioqa ta pui ko male tu maba ta o pitasiko,” kiolake vo Jisu.

Ni Jisu ta o toiritoirivake voa maba ni o roquevake vo ni eri kiolake, “Mata omadeu quli kio ṉota ṉo erekou. Ola tu pa kai tatabaraovi kiadama ṉoko lomaloma, ni ṉota ṉo qatimou koko takula se ozaoza kamu, inio ṉota batiro saṉa ṉo elou Baṉara kasi, saita inio ṉo luluelou aṉa,” kiolake.

Nio Jisu ta o kuimaevake ni eri kiolake, “Loma ikio ṉoqa zaria tu aṉata aṉa ereko ṉo?” Nio vota o vati tiorikake ni eri kiolake, “Lekasa, aṉata aqa zaria keazato,” kiolake.

Melai meta pui so me qalou me ṉavio kude, ako vo oka zariovo ala raura elo mekasi azo ta kiada mela vo nabulu o elou nio vota raura o elou.

Meta kerukeruekomo komi! Se meqora poso pui kubo kerukeru kale ke koani ko puaro jaria kovo me elou vo Baṉara ko lekasa puo pado inio me roveovou amaqeo voko lekasa puo kale tu kai zomanole voko mauruto.”

Melai matu kubo madu raura kamu erisana ta mainio zara kepa elou ko kilo ama taku kale, ni se zara kamu inio mainio raura kepa elou koa taku kale,” kiolake vo Jisu.

Melai ko Tabu ama Riki kikovevo ta eri nio koko tanitanila keru, so keru Baṉara o ereke keru ko maba ta pui so kopa kaema ikio, melai ‘lasive ala ni reko ama inio o ereke,’ tu nioqata omadeu qo elo. ‘Sokale avo inio vo maba ta o vaekou voko mama ni niania ni omadeu o kati elou voko reko, ni nioqata omadeu qo elou.’ Sole nioqata pui omuqa melai omadeu.