Populära bibelverser från Matalikilo 1

Dela

Lino Leza wakati, “Atulenge muntu mucikozyanyo cesu, abe mbubonya mbuli ndiswe. Bakabe abwami bwakweendelezya nswi zyamumaanzi, bayuni bamuluuwo, banyama bavubwa, banyama boonse bapati abaniini bamusokwe, alimwi azyoonse zikalaba.” Aboobo Leza wakalenga muntu. Ooyo muntu wakalengwa mucikozyanyo cakwe mwini Leza. Wakalenga mwaalumi amukaintu.

Nkabela Leza wakabaleleka wakati, “Amuzyalane, mukavuzyanye cakuti mukazuzye nyika yoonse akwiiendelezya. Ndamupa bwami bwakweendelezya nswi zyamumaanzi, abayuni bamuluuwo, alimwi abanyama boonse nibali buti.”

Kumatalikilo Leza wakalenga julu anyika.

Lino nyika tiiyakajisi ciimo cabubumbe alimwi tiiyakajisi cintu pe. Mudima wakavumbide maanzi manji, alimwi Muuya wa Leza wakali kweendeenda atala aamaanzi.

Eelyo Leza wakati, “Akusalale.” Mpoonya kwakasalala ncobeni.

Leza wakabona zintu zyoonse zyaakalenga, nkabela zyakali zibotu kapati. Eelyo kwakaba masiku alimwi kwakaba sikati, oobu mbobuzuba bwacisambomwe.

Nkabela Leza wakabona kusalala ooku kuti nkubotu. Mpawo wakaandaanya kusalala kuzwa kumudima.

Alimwi Leza wakaambila muntu wakati, “Ncobeni ndakupa misyobo yoonse yazisyango zizyala nseke amisyobo yoonse yamisamu iizyala micelo, kuti zikabe cakulya cako.

Kusalala wakakuulika kuti, “Sikati,” mudima wakuuulika kuti, “Masiku.” Eelyo kwakaba masiku alimwi kwakaba sikati, oobu mbobuzuba bwakusaanguna.

Lino Leza wakati, “Akube mweenya uuvungumene kuti waandaanye maanzi kuzwa kumaanzinyina.” Mpawo kwakacitika mbubonya oobo.

Alimwi kubanyama boonse bapati abaniini, kubayuni boonse, akuzintu zikalaba kufumbwa cintu cili aabuumi muli ncico, ndapa kuti kazilya matu abwizu, cikabe ncecakulya cazyo.” Nkabela kwakaba mbubonya oobo.

Lino Leza wakati, “Akube mimuni mumweenya wakujulu uuvungumene kuti yaandaanye sikati kuzwa kumasiku, akutondezya ziindi zyamazuba, aziindi zyamwaka.

Eelyo Leza wakati, “Anyika akumene zisyango zizyala nseke alimwi amisamu iizyala micelo iijisi nseke, mbubonya mbuli misyobo yayo.” Nkabela kwakaba mbubonya oobo.

Aboobo Leza wakacita mweenya uuvungumene, eelyo wakaandaanya maanzi aakali kunsi lyawo kuzwa kumaanzi aakali atala lyawo, nkabela kwakaba mbubonya oobo.

Aboobo nyika yakamena zisyango zizyala nseke amisamu iizyala micelo iijisi nseke mukati mbubonya mbuli misyobo yayo. Mpoonya Leza wakabona kuti ncibotu.

Aboobo Leza wakalenga mimuni mipati yobilo, izuba kulela sikati, awalo mwezi kulela masiku, alimwi wakalenga anyenyezi.

Lino Leza wakati, “Maanzi aali kunsi lyamweenya ooyu abungane antoomwe kutegwa insi njumu ilibonye.” Nkabela kwakaba mbubonya oobo. Insi njumu Leza wakiiulika kuti, “Nyika,” alimwi maanzi aakabungana wakaaulika kuti, “Lwizi.” Lino naakalanga mulimo ngwaakacita, wakabona kuti mmubotu.

Nkabela Leza wakazileleka akuti, “Zintu zyoonse zyamumaanzi azizyalane akuzuzya lwizi, abalo bayuni bavule munyika.”

Lino Leza wakati, “Amwalo munyika amube zyuumi, cimwi acimwi mbuli musyobo waco, banyama boonse bavubwa, zintu zikalaba, banyama bapati abaniini bamusokwe.” Nkabela kwakaba mbubonya oobo.

Lino Leza wakati, “Mumaanzi amube makamu manji aamisyobo yazintu zyoonse zipona, abalo bayuni bauluke muluuwo.”

Aboobo wakalenga misyobo yoonse yabanyama bavubwa, misyobo yoonse yabanyama bapati abaniini bamusokwe alimwi azikalaba zyoonse. Nkabela wakabona kuti ncibotu.