Populära bibelverser från YOHANES 10

Dela

Ninggimang kep mun cig gau sar bimbrai domba nya leu api bui nok mikwau bidigou binggek tut domba nya. Noro dikwei leu binhyepo tungwatu nya igyai niyaijo nijep di mpung kin pias-hagau ei ingonti.

Dani ne gembala di ningon gom tut domba nya rin ba, ditin ei bidikes Dinnei ei mem domba nya.

Ditde domba nya imiap dihyet. Dingat igbit yok lene ibit Da.

Diyai niyaijo nijep di jo kikau biyok leu api isar hanyen bi sren. Bit bon hi pos yok leu dinda nsi kan bi.

Dani ne dimbou hui ri. Bikwop no di coi kak Da miyai niteu leu sisar kin niyaijo nijepti. Noni hei-hei nyen biyem njita nok gi dem.

Dani ne gembala di ningon gom tut domba nya rin ba, dingat igbit Ditde domba nya. Nok gima cem Ditde domba nya ingat igbit Da.

Dicig di kes yok biDa bon ninyeng dor njiriek nindigsi nya. Bit bon hi pos yok leu Dicig di nyohou yok ninda nsi kan bi. Dicig kin Dani ninok gom kin yam.”

Dicig ngat igbit Da bidingat igbit Noni cem. Gima rino ditin ei mem gima dikes Dinnei ei mem domba Tde nya.

Bit bon tungwa hi pos Dinnei leu Da bi. Dikes Dinnei ei bit leu Danti dingon kanti. Disindem mem gima dikes Dinnei ei ba, disindem mem gima diyai Dinnei hanyen cem. Dicig cuk Da leu binhyepo diyai midyai nok gima.”

Gima rino Yesus pai biyok hanyen bu “Dipai nijit bije bipia Dani ne dimbou mem domba nya icoi kak ri.

Noro awak pima ne domba nya iceu kin ide gembala rin bi. Tirigi nsien bigbehei ham domba nya lene noni kes domba nya ei binang leu leu api nsien dima briu-briu nyen domba bibindei ba, nindigsi intek gimahap.

“Dipai nijit bije bipia no di coi kak dimbou hui ug ei sar nsi bi noro kriau ba, gau sar ne no di nggimang kin no di sibut cem ri.