Populära bibelverser från MATIU 10

Dela

Chisɔsi‑a a fɔ a 'a sɔ mɔɛ n ye, a ɔ, “N yen ko wo a ta‑a, wo e ma‑a wan nɔ yɔ ni sa bɔ‑a kui n tɛ. Chɛ an‑na a fɔ, wo yiima a ni sɛn. A yɛ to, wo ni tea a tachɛ ko ɔ ko ɔ, wo e min ma‑a.

Ni mɔ ɔ mɔ ban‑da bea koe a n fɛ, a wandi fɔɛ ma kanda koe a, an mɔɛ chɛ ee kuɔ fɔ fɔɛ ma sɔn‑da. Chɛɛ mɔɛ min mbe a yii bɔ‑a a fɔɛ ɔ n ko a, an mɔɛ chɛ ɛ kuɔ fɔ fɔɛ ma sɔn‑da wan.”

Wo ma chian mɔ gbu ma wo fa ko a. Ɛ wo fa‑a wan, chɛɛ a ee ko ɔ ko ma‑a wo nyina a, min mbe wo ɔ. Wo chian Yataa dɔndɔ gbe an ma. An mbe mɔ gbu fa, mbɛ a‑a a nyina wɛɛ, a‑a a a ta ta ɔ, ɛ minda kaina.

Ni mɔɛ min mbe ee a ma bɛn‑da mɔnɛ ɔ bia koe a n ko a, ni fa koe a, a e na to bea‑a n fɛ, an mɔɛ chɛ ee che ma‑a n fɛ denɛ a.

Chisɔsi ɔ te to an nu ma, a ɔ, “Mɔ ɔ mɔ min mbe dɔn‑da fanka ɔ, mbɛ n fɛ mɔɛ mu a a, n bɛɛ n mbe dɔn‑da wan an mɔɛ chɛ wakoe ma Fa ya kɔɔ banda bu ɔ, gbɛmbo tee ma. Chɛɛ ni mɔ ɔ mɔ‑a a fɔ fanka ɔ, mbɛ n fɛ mɔ ma a a, n bɛɛ n mbe a fɔ‑a wan Fa ye banda bu ɔ, gbɛmbo tee ma, mbɛ n bɛɛ n fɛ mɔ ma an mɔɛ chɛ a.”

Wo gbandi mɔɛ n baun, mbɛ wo‑a fɔɛ a yɛ chɛ n sun da a, miin faenɛ ɛ. Wo mɔɛ chɛ n baun, gboo ma gbandi yama ɛ miin ma, mbɛ wo‑a nyina yama n gbain mɔɛ n fɛ. N‑na gbasaya chɛ be wo ma gbama an na. N ma fen bia ni wo boo ɔ. Chɛ an fɛ mu, wo wɛɛ, wo ta, wo ni mɔɛ n deman. Wo ma an dɔ tisa fen kɔ fen ko a.

Wo sin benden mu kaka soenɛ n ma. Wo kundi nan fan bɛɛ wo kun ma, Fa Yataa‑a a danɛ sɔn fan. Chɛ an‑na a fɔ, wo ma chian mɔ gbu ma.”

Chisɔsi‑a a fɔ to an ye, a ɔ, “A ma ma wo yii ma, mbɛ n na‑a dunya chɛ ɔ, min mbe a ma, kuiɛ a kanɛ ni ma mɔɛ n tɛ ɔ. N ma na ni an na, chɛɛ n na‑a dɔfasanɛ an na an tɛ ɔ.