Populära bibelverser från Juwau 15

Dela

“Ine ndine muti wa mauva, imwe ndimwe nthawi. Ule anakhala muna Ine, Ine mbandikhala muna iye, unowu anabala misapu mizinji. Thangwi imwe mwekha ene, nkhabe cinthu cibodzi cinafuna cita imwe.

Khalani muna Ine, Ine ndinakhalambo muna imwe. Nkhabe nthawi inabala misapu yokha, ingakhonda kukhala pa muti wa mauva. Sawa-sawambo na imwe, nkhabe kubala misapu mungakhonda kukhala muna Ine.

Imwe mungakhala muna Ine, mafala anga mbakhala muna imwe, munaphemba pinafuna imwe mbamupicitirwa.

Simwe adandisankhula tayu, mbwenye ndine adakusankhulani mbandikutumani kuti mwende, pontho mubale misapu, misapu yakukhaliratu, toera Baba akupaseni pinaphemba imwe, na dzina yanga.

Nkhabe munthu anako kufuna kukulu kupiringana ule anafera axamwali ace.

Nthawi zonsene ziri muna Ine, zinakhonda bala misapu, Iye anazigwanda. Pontho, nthawi zonsene zinabala misapu, anazisadzulira toera zibale misapu mizinji.

Mwambo wanga ndi uxu: Mufunane m'bodzi na m'bodzi ninga Ine ndakufunani.

Baba wanga anapaswa mbiri imwe mungabala misapu mizinji, pontho munakhala anyakupfundza anga.

“Ine ndine mutidi wa mauva, Baba wanga ndi nyakulima.

Ule anakhonda khala muna Ine, anakhala ninga nthawi idataiwa kunja mbiuma. Nthawi zenezo zinakwatiwa, mbaziponyiwa pa moto mbazipya.

Ndakupangani mafala awa, toera kutsandzaya kwanga kukhale na imwe, pontho kutsandzaya kwanu kukwane.

Imwe mungakoya mitemo yanga, munakhala n'kati mwa mafuniro anga, sawa-sawa ninga Ine ndisakoya mitemo ya Baba wanga, mbandikhala n'kati mwa mafuniro ace.

Matongero anga mbawa: Funanani m'bodzi na m'bodzi.

Imwe mbumudakhala a padziko, dziko mbidakufunani ninga anthu awo. Mphapo imwe simwe a padziko tayu, mbwenye Ine ndakusankhulani mbandikubulusani pa dziko. Na thangwi eneyo, dziko isakuzondani.