Populära bibelverser från Gyenesis 1

Dela

Na Nyankopɔn see dɛ, Wɔmma yɛnyɛ nyimpa wɔ hɛn su do, wɔ hɛn saso do: na wonya tum wɔ po mu nam, nye wimu ntumbowa, nye fiembowa, nye mbowa a wɔwea asaase do nyinara. Na Nyankopɔn bɔɔ nyimpa wɔ nankasa no su do, Nyew, Nyankopɔn no su do na ɔbɔɔ nyimpa; ɔbɔɔ hɔn ɔbanyin nye ɔbaa.

Na Nyankopɔn hyiraa hɔn: na Ɔsee hɔn dɛ, Hom nwo, na hom ndɔr, na hom nhyɛ asaase ma, na hom ndzi do tum. Hom nya tum wɔ po mu nam do, nye wimu ntumbowa do, nye asaase do mbowa nyinara do.

Ahyɛse no Nyankopɔn bɔɔ sor nye asaase.

Nna asaase da hɔ pan a onnyi bɔbea biara; na isum agye bun no enyi: na Nyankopɔn no sunsum butuw nsu no enyi

Na Nyankopɔn see dɛ, Ekan mbra: na ekan bae.

Na Nyankopɔn hun adze a ɔayɛ nyinara, na hwɛ, odzi mu papaapa. Na adze sae na adzekyee, da a otsia esia nye no.

Na Nyankopɔn hun kan no dɛ oye: na Nyankopɔn tseew kan no fii sum no ho.

Na Nyankopɔn see dɛ, Hwɛ, mama hom nduadzewa na nduaba a ɔwɔ asaase nyinara enyi, dɛ ɔnyɛ edziban mma hom

Na Ɔfrɛɛ ekan no Adzekyee, na isum no Adzesaa. Na adze sae na adze kyee, da a odzi kan nye no.

Na Nyankopɔn see dɛ, Wɔmma wimu mbra nsu no finimfin, na wɔmma ɔntsew nsu no mu ebien: na ɔyɛɛ dɛm.

na asaase do mbowadoma nyinara nye wimu ntumbowa nyinara dze, mama hɔn sar na nhaban nhaban dɛ wondzi: na ɔyɛɛ dɛm.

Na Nyankopɔn see dɛ, Nkandzea mbra wimu mbeyi adzekyee mfi adzesaa ho: na ɔnyɛ nsɛnkyerɛdze, nye mbernkyekyɛmu, nye nda nye mfe

Na Nyankopɔn see dɛ, Asaase mfifir efuw, nhaban a wɔsow aba, na ndua a wɔsow nduaba dɛ mbrɛ hɔn su tse, wɔ asaase do: na ɔyɛɛ dɛm.

Na Nyankopɔn yɛɛ wimu no, na ɔtseew nsu a ɔwɔ wimu no n’ase no fii nsu a ɔwɔ wimu no no sor no ho.

Na asaase fifiir efuw, haban a ɔsow aba dɛ mbrɛ no su tse: na Nyankopɔn hun dɛ oye.

Na Nyankopɔn yɛɛ nkandzea akɛse ebien; kandzea kɛse no dɛ ɔnhwɛ adzekyee do, na kakraba no dɛ ɔnhwɛ adzesaa do: na ɔyɛɛ nworaba so.

Na Nyankopɔn see dɛ, Wɔmma nsu a ɔwɔ sor n’ase no mpra nkɔboa fakor na wɔmma wewewdo nyi noho: na ɔyɛɛ dɛm. Na Nyankopɔn frɛɛ wewewdo no Asaase; na nsu no no mboano no ɔfrɛɛ no Epo: na Nyankopɔn hun dɛ oye.

Na Nyankopɔn hyiraa hɔn see dɛ, Hom nwo, na hom ndɔr, na hom nhyɛ po mu nsu mu ma, na ntumbowa ndɔr wɔ asaase do.

Na Nyankopɔn see dɛ, Asaase ndɔr mbowa a nkwa wɔ hɔn mu dɛ mbrɛ hɔn su tsetsee, fiembowa, nye nketsebowa, nye asaase mbowadoma dɛ mbrɛ hɔn su tsetsee: na ɔyɛɛ dɛm.

Na Nyankopɔn see dɛ, Nsu no mu mbra mbowa ahorow pii na ntumbowa so nkyin asaase do wɔ sor.

Na Nyankopɔn yɛɛ asaase do mbowadoma dɛ mbrɛ hɔn su tsetsee, na Nyankopɔn hun dɛ oye.