Populära bibelverser från O YOHANIS 10

Dela

Yotohi-tohiki yoböa duga-duga mangale yotohiki, mangale yotoma deʼ mangale yakilianga. Mä Ngohi toböa hupaya o nyawa yamäke o ngango – o ngango de maboloioka.

Ngohi o gogöana maoa. Gogöana maoa wohidöaka Ai wowango mangale Ai duba-duba.

Ahi duba-duba yogihene Ahi ilingi. Ngohi tanako ënanga, deʼ enanga ihinïki Ngohi.

Ngohi tahidöaka önanga o ngango madutu deʼ ikakali, deʼ kahiado-adonika önanga aha yobinahaua. O nyawa moiuaö yakunu yaora önanga Tongohi ahi giamoka.

Ngohila o ngorana. O nagona yowohama ihinonu Ngohi, aha yohalamati; ünanga wohupu wowohama deʼ wamäke o inomo.

Ngohila o gogöana maoa. Hokä o Ama wohinäko Ngohi deʼ Ngohi tinäko o Ama, hokogenangoli Ngohi tanäko Ahi duba-duba deʼ enangö ihinäko Ngohi. Ngohi tomahilapahi Ahi wowango mangale önanga.

Ahi Ama, wohihidöaka önanga Ngohino, yatilakuril̄e hagala mata-mata. Deʼ o nyawa moiuaö yakunu yäora önanga Ahi Ama aigiamoka. Ngohi deʼ o Ama naga kamoi.”

Ngohila o gogöana maoa. Hokä o Ama wohinäko Ngohi deʼ Ngohi tinäko o Ama, hokogenangoli Ngohi tanäko Ahi duba-duba deʼ enangö ihinäko Ngohi. Ngohi tomahilapahi Ahi wowango mangale önanga.

O nyawa moiuaö yakunu yal̄ë Ngohioka. Ngohi tohilapahi imoteke Ahi mau mahirete. Ngohi tokuaha tohilapahi, deʼ tokuaha tal̄ëoli. Gënanga Tongohi ahi manarama, tatarima Ahi Amaino.”

O Yesus wotemo wohigalioli, ”Igoungu itiai Ahi demo nënanga: Ngohila o ngorana mangale o duba.

O hewa manyawa o gogoanua gënanga, deʼ o duba-dubaö gënanga tounaua, aha woara wamal̄aika o duba-duba nako ünanga wamäke o kaho honganika iböa. Done o duba-duba gënanga aha o kaho honganika yakaboto deʼ ihikokabarihika.

”Igoungu itiai Ahi demo nënanga: O nyawa yowohama o duba makurunga magoronaika yanïkua o ngorana, mä yodoa yanonu o ngëkomo mahomoa, o nyawa gënanga yotohi-tohiki deʼ yo ora-ora.