Populära bibelverser från O KEJADIAN 6

Dela

Unanga mawomatoduba wahidadioka deʼ wahigogeroka önanga o duniaka. Unanga hoko gënanga ai hininga i tobiki

Ma Jou wamake hokokia manga dorou o nyawa o duniaka; mata-mata toönanga manga dibanga salalu itorou.

Mä o Nuh wasanangi ma Jou Ai hininga.

Nënanga ai jarita o Nuh. Unanga aingohaka yaruange, enagënanga o Sem, o Yafet deʼ o Ham. O Nuh o howono wodiaiua, deʼ ünanga womatengo dika o nyawa maoa ai orahoka. Unanga wo wango imadodiawo deʼ ma Jou Madutu.

hiädono wotemo, ”Aha Tabinaha o nyawa Tahidadadioka gënanga, deʼ hagala o totaleo deʼ o aiwani mahomoa, hababu Ngohi tomatoduba Tahidadioka önanga.”

O nyawa yodogo yowoëoka deʼ imahi gogerewoto o dunia yamode modekika, deʼ yongohaka o ngohaka o ngoheka, ma Jou Madutu Ai ngoha-ngohaka yämake o momoholehe gënanga manga höhailoa. Daha önanga yäkawingi o momoholehe önanga yäigo-igo. Done ma Jou wotemo, ”Ngohi tohigumal̄aua o nyawa yowango kahiado-adonika; önanga o dodadi ikokakaliua, kokiani yohonenge. Mulaenge öraha nënanga manga umuru aha iholoiua deʼ o taongo o ratuhu moi deʼ monaoko.” O öraha gënanga, deʼ ipahaika önanga o nyawa manga lago-agomo deʼ manga gögurutilel̄e o duniaka. Önanga o momoholehe o nyawa yokawi-kawingi deʼ ma Jou Madutu Ai ngoha-ngohaka manga difauku. O nyawa manga lago-agomo deʼ manga gogurutil̄e gënanga ganga o nyawa yonau-nauru deʼ o nyawa ya heto-hetongo i hira-hiraino.

O Nuh wadiai hagala moi-moi mata-mata ma Jou Madutu wohipopareta unangika.

Daha ma Jou Madutu wïtemo o Nuhika, ”Ngohi taputuhoka la tohibobaha hagala o dodadi mangango. Ngohi aha tahohihanga önanga deʼ o dunia, karana o dunia i omangoka deʼ toönanga manga dorou.

Nodiai o kapa o gahumu moi mangale ngona o gota i kua-kuata; nadiai makama-kamari magoronaka deʼ nohilape deʼ o teri magoronaino deʼ maporetino.

Ma Jou Madutu wapulono o dunia gënanga deʼ duga-duga wamake o dorou dika, hababu o nyawa mata-mata yatorou manga wowango.

Naao o kapa magoronaika gënanga manauru moi deʼ ma beka moi o totaleo deʼ ma totaleo moi-moi marupa, deʼ o aiwani ma homoaohi, hupaya enanga uha i binaha.