Populära bibelverser från Tekang Kbuten 32

Dela

Ne yó bud mon yóm tau yó, “Lemwót bè yóm deng khotuhem gelem ebè Dwata ne bè tau, yó gónóm matù. Là bud Jakub du ne boluyem. Yó tles boluyem, Israél.”

Yó mon yóm tau mò ke Jakub, “Kóhem ou ne, abay se deng móyón mwas.” Mon Jakub se, “Là kô kóhu kóm ke là nan wen oluhem dou.”

Bede fen tebel fatu kun tek sotuhen. Yóm knô Jakub bè yó, tódô wen tau sut béléen na a mit du sbunù. Ngang le sbunù efet móyón mwas.

Yó udél Jakub, monen, “Denge tódô suyó ke Dwata dou, hol là bangen du ke là mataye.” Ne yó boluyen du yóm benwu yó, Pinyél.

Timbow gnóm yóm tau yó yóm là bud kegbeken ke Jakub, tódô nogoten bè hunuk Jakub, botong sléhé.

“Tedu boluyem?” mon yóm tau yó mò ke Jakub. Mon Jakub se, “Jakub.”

Mon Jakub se mò du, “Tulónem dou se kóm boluy.” Okóm mom yó balaen du yóm tau yó, monen, “Béem abay snólók boluyu.” Ominen yó wen oluhen ke Jakub.

Là knóóne du yóm tey kehyu kmoem ebéléu ne yóm là konol nawahem ebéléu, olohu tau tóbóng lówóhem nim ou. Bè yóm tehe kewótu gu bè mà, mifale él Jurdan, són tugedu nwitu. Okóm bè yóm bud kuléku ni, botong lewu lumbuku.

Balù ni kmoen ni, yó kem tau Israél là kô ken le du yóm unged nô bè hunuk yóm kihu kay ógóf, abay se bè yó tehe gónó Dwata mogot ke Jakub bè yóm tehe kehesléhéhen du.

Omin Jakub mni bè Dwata, yó monen, “Ó Dwata, hol hnungolem ou. Uu se Dwata téméu Abraham ne mau Isak. Uu se mdók dou mulék ebè dou benwu ne ebè yó kem dou dumu ne deng fasadem dou se yóm klaen dù hemenu bè yóm kuléku.

Hol hnihu béléem, hol lenwaem ou ke wen sidek tô nmoen béléu yóm twoguhu Iso. Tey sidek klikou, déke sut ne tódô gotu hnatayen mi kdê me, gomong kem libun ne yó kem ngà.