Populära bibelverser från Tekang Kbuten 28

Dela

Hol béem klifót, elese tendo nô béléem ne tendo kenlungu uu balù nô gónóm e solu ne angat bud nitu uu semfulék ebè nim benwu ni. Là kô bayau kóm. Angat gotu dnohou yóm kdê deng fasadu kóm.”

Ne knahen Dwata mdà klohoken, yó mon Dwata mò du, “Ó Jakub, ou se yóm Dwata hol gónón mogot yóm téméem Abraham ne yóm maem Isak. Yóm tonok gónóm hlilil ni, blayu kóm ne yó kem angat sfuhem.

Omin Jakub btik. Yó udélen, monen, “Deng duhen bè ni gónóhen nô Dwata ne là kô tngónu du.”

Ominen wen udél Jakub ebè Dwata, ne wen tey fasad mget hmungen du, monen, “Ó Dwata, ke elesi tendo nô béléu, ne ke kenlungem ou bè nim kógówu ni, ne ke wen gónóhu ma kenu ne nesu, ne laen dù hemenu bè yóm bud kuléku ebè gónô mà, deng duhen uu yóm dou Dwata hol gónóhu mogot. Nim botu deng hdau eta ni mò gel heftulón du bè nawahu yóm deng kehegfanem béléu bè yóm benwu ni. Ne bè ni se angat gónóhu bud tmaba ebéléem. Ne kdê yó kem blayem dou, bud blayu kóm yóm gesfoloen.”

Tey angat kehwenu kul yó kem sfuhem yó, lómón kwen le kfung te tonok. Angat tey kehlamang le du yóm kbenwu le, gbek le hlamang du fi e desdef ne fi e dmata kdaw ne fi edebwak ne fi eleged. Hlanu béléem ne bè yó kem sfuhem yóm angat któbóngu yóm kdéen but tau bè klamangen benwu.

Yó boluyen du yóm benwu yó, Bétél. Yó tehe boluyen yóm benwu yó, Lus.