Populära bibelverser från Lukas 11

Dela

Tukasi pè jahat kalohon kènè, ibettoh kènè ngo merrèken simendè taba dukak ndènè, makinsa nola mo Bapa ni sorga idi. Tentu iberrèken ngo tendiNa taba kalak simengido tabaSa!”

Asa, èngèt kènè mo! Mula ipido kènè, iberrèken ngo bai ndènè; tulusi kènè mo, dapet kènè ngo i, tuktuki kènè mo, ibuka ngo pèntu bai ndènè.

Kerna menjalo ngo nasa simengido, kennaan ngo kalak simennulusi janah ibuka ngo pèntu bai kalak simenuktuki.

Nai idokken Jesus mo taba kalak idi, “Mula mersodip kènè, bagèen mo sodip ndènè: ‘Ialè Bapa, Pellin sada Ko ngo Dèbata Katerra pè isembah janah ipesangap mo Ko.

Ampuni mo dosa-dosa nami, kerna kami pè kuampuni kami ngo gennep jelma simerdosa dempak kami. Janah ulang belli mago kepercayaen nami, tikan roh pengojiin bai nami.’ ”

Berrèken mo bai nami sipat ari pangaan siperlu bai nami.

Pellita daging ngo ukum mata. Mula njenger penengenmu, ncihur mo pengakap dagingmu. Tapi ukum ramben ngo penengenmu, gellap bulita mo karina dagingmu.

“Oda lot kalak memaing lampu nilakatenna mi tongkarang barang menungkupi dekket kendang. Tapi mi perpelitaan ngo ibakin lampu i, asa iidah dèba cuhayana.