Populära bibelverser från LÚU 9

Dela

Jísu í mɔ́ɔ nde ti kpɛ́lɛɛ má, i ɣɛ ta, “Ná nuu fíli áá ɣɛ́ lói í ɣɛ́ ngáá pólu w̃ɔ́ɔ, kɛ í gíkula bɔwɔ́ h̃u, í w̃aahéi wo ngáá i há fááw̃a foló fíli, í tó mbá.

Sífaa nuí fíli áá ɣɛ́ lói í bɔwɔ́ lɛɛh̃úi w̃ááɣawo, aa walá ma. Kɛ́ nuí fíli áá bɔwɔ́ lɛɛh̃úi gúla kɛlɛ́ma nyá fááw̃a, maa w̃ɔ́i aa ndɛɛh̃ú gítei w̃ááhɔlɔ.”

Kɛ́ Jísu i ngoo yápoteni, i ɣɛ ma, “Nuí fíli áá loko vɛ́lɛ kalíi w̃a ngáá í síya aáva áá wɔ́lɛ volú, maa w̃ɔ́i ɛi ɣɛ kulaɣɛní ngáá nuú áá yénge Ngalángi w̃ásandai wu.”

Jísu í mɔ́ɔ ɣɛ ta, “Ndeé lɔ́ áá ɣɛ́ ngáá kulasuunúmai nuí síí w̃ɔ́i hááw̃a áá ndɔwɔlɔ́i sí kpɛ́lɛɛ mááhɔlɔ ngáá ngi ndá, kɛ́ laá bútei í wála ndɛɛh̃u gítei w̃a?

Ná nuu fíli áá wúfe ngáá ní hái ɛ́ɣɛ ndáá wóitii, ná Nuu Búsa Goo H̃ú Loí áá vá ngi yákpa maanɛɛnɛɛngí h̃u ɛ́ɣɛ ngi Kɛ́ɛ́ɣɛi taá hɛ́ɛ́ma w̃álekaitii ti yákpa maanɛɛnɛɛngí h̃u, aa wufe ngáá maa w̃ɔ́i bɛ́lɛ ngi hái.

Jísu i ngoo yápoteni, i ɣɛ ma, “Kpuulúa lɔ ndandátoa yɛ, ná vólu, taángaa tí w̃ɔníaitii mbɛ, kɛ́ ỹandá fíli aa nuí síí w̃ɔ́i yaa taa ɣɛ́ ma Nuu Búsa Goo H̃ú Loí ɔ́ɔ́ wu ndá na.”

Kɛ i ɣɛa ti w̃a, “Nuí fíli áá lokohéi ndopo gúlo laalií sí wu ndongí hááw̃a í su ngáá ngé, kɛ maa w̃ɔ́i i lokohéinga mbú. Nuí fíli pá áá lokohéi mbú, kɛ i lokohéinga nuí sí wu í tɔ́vengɔ. Sífaa, nuí ngu nga njéingɔi wú kpɛ́lɛɛ kpɛ́lɛɛ wú lííwaa, aá lɔ í ngáá ngakpa mɔ́ɔ walaí.”