Populära bibelverser från NJƆÚ 10

Dela

Ŋuỹa w̃ɔ́i aa va nɔ́ɔ́ ngáá kɛinɔɔ́ í ŋuỹá wó ɛ́ɣɛ ná láá le, í nuu váá ɛ́ɣɛ í nuu ɣɛ́ kíli ỹaaní. Kɛ́ ngí váanga ngáá tí ndɛɛh̃u gítei w̃aahɔ́lɔ, aáva tí maahɔ́lɔ gítei ngáá ngambɔ́ɔ́lɔngɔ kɛɛlɛ́ ngálaa ɣɛ́ mba.

Nyá lɔ ngí ngáá mbaala w̃ááh̃u belé mɔ́ɔ vandaí. Mbaala w̃ááh̃u belé mɔ́ɔ́ vandaí aa lɛɛh̃úi gúla kɛlɛ́ma mbaalaítii mbɛ.

Ní wáálaitii taá wolílo ngói w̃a, ngí ti wɔlɔ́ aáva taá hítɛ pólu.

Ngáá kúnafɔ lɛ́ɛ́h̃ui he ti yaá tɛí ha, aáva nuu fíli pa ɛi ti gúla ngéya.

Nyá lɔ ngí ngáá mbaala bakíí laabɔ́lungi. Nuí fíli áá lɛ́ ngéle pélei, maa w̃ɔ́i w̃aawalóngɔ aa ɣɛ́ la aáva aa lɛ, í gúla, í lí í ndaaỹɛ mbo.

Nyá lɔ ngí ngáá mbaala w̃ááh̃u béle mɔ́ɔ vandaí. Kíya nɔ́ɔ Kɛɛɣɛi Ngalá ngí kɔ́lɔ ele wáá ngáá ngé aáva nyá bɛ́lɛ nɔ ngí kɔ́lɔ ele wáá ngáá laa, ngimɔ́ɔ́ ngí ní wáálaitii kɔ́lɔ, tiyá bɛ́lɛ ti kɔ́lɔ. Aáva ngí lɛɛh̃úi gúlangɔ kɛlɛma mbaalaítii faaw̃a.

Ní Kɛ́ɛ́ɣɛ vá í ti hengá ngéya, tɔvengɔ́ɔ́ lé nuí kpɛ́lɛɛ mbá, faalɔ, nuu fíli ɛi ti gúla ní Kɛ́ɛ́ɣɛ yaá. Naa ní Kɛ́ɛ́ɣɛ ni ɣɛ kíli i yíla kpé.”

Nyá lɔ ngí ngáá mbaala w̃ááh̃u béle mɔ́ɔ vandaí. Kíya nɔ́ɔ Kɛɛɣɛi Ngalá ngí kɔ́lɔ ele wáá ngáá ngé aáva nyá bɛ́lɛ nɔ ngí kɔ́lɔ ele wáá ngáá laa, ngimɔ́ɔ́ ngí ní wáálaitii kɔ́lɔ, tiyá bɛ́lɛ ti kɔ́lɔ. Aáva ngí lɛɛh̃úi gúlangɔ kɛlɛma mbaalaítii faaw̃a.

Nuu fíli aa na ngáá ɔ́ɔ́ kula ngeyá kɛ́ ngáá kula kɛlɛma ngáá wumáá. Ngakpá tɔ́ ngéya ngáá ngi kula kɛlɛ́ma, ngakpá ngí ngéya ngáá ngí ngeɣé múl̃ɔ volú. Sí lɔ ní Kɛ́ɛ́ɣɛ i ndéngɔ ma ngáá ngí kɛ.”

Faalɔ, Jísu i mɔɔ ndení ti w̃a, i ɣɛ ta, “Ngí tɔ́ɔ́ỹai le wú w̃a, nyá lɔ ngí ngáá mbaala bakíí laabɔ́lungi.

Nuí sí taa ɣɛ́ taá páva ngáá í mbaalaítii mááh̃u belé, laa ɛi ɣɛ́ lá ɔ́ɔ́ ɣɛ́ ngáá mbaala w̃ááh̃u belé mɔ́i ngi ndá ɔ́ɔ́ ɣɛ ngáá ti ye. Ná áá fulá húwa lɔ áá vá, aa mbaalaítii ndo, í lí ngáá viliỹɛ́. Fulá húwai ná aa va náá í mbaalaítii katá, í tí h̃úúvaha.

Jísu i faanɛ́ɛ́ seini, i ɣɛ ta, “Ngí tɔɔỹái le wú w̃á, kpakií sí mbaalaítii taa ɣɛ́ su, nuí ɛ́i víli maa bákii h̃u ngáá ndaa vélei, kɛ́ aá ɣéle í víli su ngáá pele veká fíli, kɛ maa w̃ɔ́i lɔ ngáá ŋuỹá w̃ɔ́ɔ́. Ná vólu, aá lɔ́ mɔ́ɔ́ ngáá kpundɛ ma w̃ɔ́ɔ́ nungáá w̃a ti wɔ́lingaitii kula fááw̃a ti yaá.