Populära bibelverser från Senesi 1

Dela

Ti na pati loa le Atua : Ke tou fakatupu le tagata o fakatatau kia tatou, ti ke pule a ia ki ika o le tai, mo manu lele o le lagi, mo manu lalata, ti mo manu totolo o le kele. Na fakatupu loa e le Atua le tagata o fakatatau kiate ia ; na fakatupu e ia le tagata o fakatatau ki le paaki o le Atua, na fakatupu e ia le tagata mo le fafine.

Na tapuaki loa le Atua kia laua, ti na pati loa le Atua kia laua : Kolua fanaunau, kolua liuliuga, kolua fakaapi le kele, ti kolua pulei a ai ; kolua pule ki ika o le tai, mo manu lele o le lagi, ti mo manu fuli ala e taka i le kele.

I le kamataaga, na fakatupu loa e le Atua le lagi mo le kele.

Na fuafua noa mo lavaki le kele, ti na fakapouli le fuga o le loloto, ti na taka le Laumalie o le Atua i aluga o atu vai.

Na pati loa le Atua : Ke sa le malama ! Ti na sa loa le malama.

Na tio loa le Atua ki nea fuli ala na fakatupu e ia, ti ko leinei na malie tukupau le nea lena. Ti na i ai loa se afiafi, ti na i ai loa se usu : ko lona ono aso loa a ia.

Na tio loa le Atua na malie le malama ; ti na vaei kese loa e le Atua le malama i le fakapouli.

Ti na pati loa le Atua : Ko leinei, e kau soli kia koulua a laakau sesega fuli ala e maua ia ni pulapula ti e somo i le kele, ti mo laakau fuli ala e maua ia ni fua ti mo ni fakaili : ko lena lakoulua nea kai.

Ti na fakaigoa loa e le Atua le malama ko le ao, kae na fakaigoa loa e ia le fakapouli ko le pouli. Ti na i ai loa se afiafi, ti na i ai loa se usu : ko le uluaki aso loa a ia.

Na pati loa le Atua : Ke i ai se vasa i loto o le atu vai.

Ti e kau soli a mutie sesega fuli ko le nea kai a manu fuli o le kele, mo manu lele fuli o le lagi, ti mo nea fuli ala e taugaoi mo tukumanava i aluga o le kele. Ti na soko loa le nea lena.

Na pati loa le Atua : Ke sa ni nea malama i le lagi ke vae ia le ao mo le pouli ; ke tuu a malama ana ko ni fakamailoga o le temi, mo aso, mo fetuu

Ti na pati loa le Atua : Ke somo i le kele se vao sesega, mo ni mutie o tasi mo ia lona pulapula, ti mo ni laakau fua o tasi mo ia lona fakaili, o mulimuli ki lona faasiga. Ti na soko loa le nea lena.

Ti na soko loa le nea lena : Na fakatupu loa e le Atua le vasa, ti na vaei kese loa e ia a vai o aluga i vai o lalo.

Ti na somo loa i le kele le vao sesega, mo mutie o tasi mo ia lona pulapula, ti mo laakau fua o tasi mo ia lona fakaili o mulimuli ki lona faasiga. Na tio loa le Atua na malie le nea lena.

Na fakatupu loa e le Atua a malama lalasi e lua, ko leia e lasi ake ke pule ki le ao, ti ko leia e ikiiki ke pule ki le pouli ; na toe fakatupu foki e ia a fetuu.

Na pati loa le Atua : Ke tanaki a vai i lalo o le lagi ki se ganea e tasi, ti ke sa le kele malo. Ti na soko loa le nea lena. Na fakaigoa loa e le Atua le kele malo ko le fenua, kae fakaigoa loa e ia le ganea leia na tanaki ai a vai ko le tai. Na tio loa le Atua na malie le nea lena.

Na tapuaki loa le Atua kia latou, o pati : Ke kotou fanaunau, ke kotou liuliuga, ti ke kotou fakaapele ia a vai o tai ; ti ke liuliuga a manu lele i aluga o le kele.

Na pati loa le Atua : Ke tupu i le kele ni manu mauli i faasiga kesekese : ni manu lalata, mo ni manu totolo, ti mo ni manu kesekese o le vao. Ti na soko loa le nea lena.

Na pati loa le Atua : Ke tupu o lasi i le vai ni manu mauli, ti ke lele i le lagi ni manu lele.

Na fakatupu loa e le Atua a manu kesekese fuli o le kele, mo manu lalata kesekese, ti mo manu totolo kesekese. Na tio loa le Atua na malie le nea lena.