Populära bibelverser från Dw 15

Dela

“Mame a mele vanye baka ne a, yɛɛ bɛmɛ a bɛle ye ngane ne mɔ a. Mɔɔ kɛdɛnla me nu na menwɔdɛnla ye nu la bazo ma dɔɔnwo; ɔluakɛ saa menle nu a bɛ ngome bɛnrɛhola ɛhwee yɛ.

Bɛhɔ zolɛ bɛdɛnla me nu, na medame mendɛnla bɛ nu. Baka ɛhane ngome ɛngola ɛnzo ma; saa ɔwɔ vanye baka ne anwo a yɛɛ ɔso ma a. Zɔhane ala yɛɛ bɛdabɛ noko bɛnrɛhola bɛnrɛyɛ Nyamenle ɛhulolɛdeɛ ne a, kyesɛ bɛmeta me nwo kɛ baka ngane la.

Saa bɛde me nu na me edwɛkɛ ne de bɛ nu a, ɛnee bɛbiza debie biala mɔɔ bɛkulo la, na bɛ sa kɛha ye.

Tɛ bɛmɛ a bɛnleanle bɛyele me a; medame a memkpale nu menyele bɛ a, yɛɛ mezoa bɛ kɛ bɛhɔlua Nyamenle edwɛkɛ ne bɛmaa ɔzo ma dɔɔnwo kpalɛ mɔɔ ɛmkpɔlɔ ɛlɛ la a. Yemɔti Selɛ ne bava debie biala mɔɔ bɛkɛbiza ye wɔ me duma nu la amaa bɛ.

Ɛhulolɛ kpalɛ mɔɔ sonla kɛnyia ye wɔ ɔ gɔnwo mɔ anwo la a le kɛ ɔkɛva ye ngoane ɔkɛdo aze ɔkɛmaa bɛ.

Me sa ngane biala mɔɔ ɛnzo ma la, ɔkpane ye ɔto, na ɔsiezie ngane ne mɔ mɔɔ so ma la, amaa bɛazo ma dɔɔnwo.

Me mɛla ne a le ɛhye: Bɛhulo bɛ nwo ngoko ngoko, kɛmɔ mehulo bɛ la.

Saa bɛyɛ Nyamenle ɛhulolɛdeɛ a, ɛnee bɛlɛye Egya anyunlunyia bɛahile; na ye zɛhae azo a bɛlua a bɛkɛhile kɛ bɛle me ɛdoavolɛma a.

“Mame a mele vanye baka kpalɛ ne a, yɛɛ Egya a le tola ne amenle a.

Awie biala mɔɔ andɛnla me nu la bɛfuandi ye bɛto kɛ baka ɛhane mɔɔ bɛpɛ la; ɔwe na ɔkyengye. Mbaka ngane mɔɔ le zɛhae la, bɛboɔboa bɛ nloa na bɛfuandi bɛ bɛgua senle nu bɛyela bɛ.

“Meha ɛhye mehile bɛ, amaa me fɛlɛkolilɛ adɛnla bɛ nu na bɛdabɛ noko bɛ fɛlɛkolilɛ ne ali munli.

Saa bɛdi me mɛla ne mɔ azo a ɛnee bɛde me ɛhulolɛ ne anu, kɛmɔ meli Selɛ ne mɛla zo na mede ye ɛhulolɛ ne anu la.

Ɛhye ati, mɔɔ meka meahile bɛ la a le kɛ; bɛhulo bɛ nwo ngoko ngoko.

Saa bɛle ewiade ɛdeɛ a ɛnee ewiade bahulo bɛ kɛ ɔ ti anwo ɛdeɛ la. Na mekpa nu meye bɛ mevi ɛtane ewiade ɛhye anu amra avinli, yemɔti bɛnle ɛtane ewiade ɛdeɛ. Ɛhye ati ɛtane ewiade ɛhye anu amra kpɔ bɛ.