Populära bibelverser från Akisiakinet 6

Dela

Toronik Ekapolon Akuj nikolong asubunea ngesi itwaan anakwap. Sodi kialolong Ekapolon Akuj noi.

Kingolik Ekapolon Akuj atamar alalaar akisech a itwaan anakwap, nabo erubakinito ngakiro na itami ngesi eroko jik.

Nakaneni tojoik Ekapolon Akuj Noa.

Eraakasi nugu ngalesea a Noa. Arai Noa itwaan ni atenoono eboyor, ni amam ibore asechit ngirwa lu ayarea. Arukito Noa ka Akuj.

Tolim tama, “Amunyari ngitunga lukolong asubuni tongopiyasi anakwap. Amunyari ngitunga ka ngitieng, ka ngiborei lu eliato, ta ngikieny, kainyo karonikis ayong ngakiro nakolong asubunea kesi.”

Na alalakearotor ngitunga anakwap sodi touriunae ngapesur, kingolikis talokookeng a ngakujo atamar eraakasi tanakookeng a ngitunga nakebuseak. Sodi toliworos kesi iusete daang na cha asakete akuut. Tolim Ekapolon Akuj tama, “Nyibooyi Etau kang anitwaan nakajik, kainyo etoaneene itwaan. Napei tokona jik, eliworosi ngirwa keng ngikaru amiat apei ka ngitomwon-arei.” Ngirwa ngulu ka ekisidi a ngirwa kangulu, ayakasi ngitunga lulangir-kooyak noi nakwap. Araakasi kesi ngide lu auriunete talokookeng a ngakujo na euseta tanakookeng a ngitunga. Araakasi ngitunga ngulu ngikiliok lukolong ekilenikinit, nabo ayenikinitae.

Tosubak Noa daang na adungokinit Akuj.

Tolimok Akuj Noa tama, “Asaki ayong amunyar ngitunga daang, kainyo eleleba kesi ekurikur nakwap. Enyasuni ayong kesi ka akwap aapei.

Tosub atubwa naapolon alokitoe aloajokon. Todukok ngakais tooma natubwa ngina sodi kilalak elaam tooma ka nikalapatan a atubwa.

Kingolik Akuj akwap toyen atamar aroner, kainyo arono eboyor a ngitunga kadaang.

Aloborei kadaang alu eyarete, kilomak tooma natubwa, nikile ka niberu, sodi toyareta.