Populära bibelverser från Jọn 14

Dela

“Ẹepho kụ ẹdi mị riseenaan inyina, ẹepho phọ ẹpe ạmi kụ ẹdi mị rịngo inyina, kọ́do ẹepho phọ ẹpe aḅirini phọ rạngo ghan bọ. Kémeera mun iloghi phọ anyina ịiḅaghami inyina. Kékiil eepuph.

Kụ ạJizos ạḅeni nyọdi mọ, “Mị kụ eten phọ rꞌigey phọ rꞌaghuḍum mọ. Oye dị kạteeny Ọde phọ ạmi ólho, emuton ọḍua esi ạmi kụ ọghi ọteeny ọdi.

“Kémeera iloghi phọ anyina ịiḅaghami inyina. Imeeraam ghan Ẹnaan, ẹḅile ghan imeeraam ịmi.

Kụ Ọodereghia phọ, Uwaloor Iigbia phọ ọpo Ọde phọ kạtuan bọ ḍien phọ ạmi kụ ạsighe atu, kịtughemi ni inyina oomo ạraraar phọ, ạḅile ịghiom inyina ologhi oomo phọ ịpe mị ịḅeni bọ inyina.

“Oye phọ ọpo ạnaghan bọ iilogh phọ ạmi kụ aako, pọ ọdi kụ ụphomoghian bọ ịmi. Ọde phọ ạmi kạpomoghian ni nyọpo ụphomoghian bọ ịmi. Mị phọ kẹn kạpomoghian ni nyọdi, ạaweleghian loor phọ ạmi aḍeenaan nyọdi.”

Mị kạlom ni Ọde phọ kụ ọdi kịngo ni inyina ọnon Ọodereghia dị kịrolan inyina kꞌagee-pọ. Ọdi kụ Uwaloor Igey phọ ọpo aḅirini phọ kótue bọ ọloghoma, ịdi eḍighi bọ bịdi nyọdi kọ̋miin ọḅile olegheri. Kụ nyina elegheri ni nyọdi, ịdi eḍighi bọ ọdi odianaan ni rꞌanyina kụ kịḅophoghan ni inyina.

Tọrobo ịyaar dị nyina eghol ḍien ạmi kụ epuru Ọde phọ, mị kaḍighi ni, pịdi awe oghol Mọony phọ ọngo Ọde phọ eghuan. Tọrobo ịyaar dị nyina eghol ḍien ạmi kụ ipuru ịmi, mị kaḍighi ni.”

“Mọ nyina ịphomoghian ni ịmi, ọbo nyina keeko ghan ni iilogh phọ ạmi.

Otu Ọde phọ ạmi ạmoogh ni ịbadi iisoph orughogh. Mụghumo kị́duon, ọbo mị mịḅeni ni inyina. Mị rạki oseleminaan anyina riisi ọrologhu.

Mị rọghi oseleminaan anyina riisi ọrologhu phọ, kụ mị ạḅile atu ịsighe inyina ạloghoma, pịdi nyina ẹrol aani esi phọ ịpa mị odi bọ.

Kụ ạTomos ạḅeni nyọdi mọ, “Ọmoogh-we, yoor úlegheri bọ ekpisi phọ nạ rạki bọ, yoor kolegheri bọ ika eten phọ?”