Populära bibelverser från Sáŋa 10

Dela

Uŋgíbi mɔ́ɔ, u úlenemú goana go go íbe, go go óna na go fúugie. Yɔmɔ́ɔ mbu úlé goŋaá batɔ bá bɛa mammana ya gɛɔyɔ, bá gɔnɔ gɛ́ bɛa fundufundu.

«Ndɛ́ gɛnɔ́gɔ́ gá umbeŋíbéŋí. Gɛnɔ́gɔ́ gá umbeŋíbéŋí gɛ́ íŋenene gɛɔyɔ gɛ́hɛ́ go bɛdómbáa bɛ́hɛ́.

Bɛdómbáa bámɛ bɛ́ ɔ́bɔnɔ ukelú yámɛ, mbí íyimene, bɛ́ bɛ́ mbienene.

Kɔ́ɔ yɔmɔ́ɔ, mbɛ́ fáanana gɛɔyɔ gá kanɛ mesúge; bɛ́ dɛ ŋgá fúe akɛ́ go buisí, gó gɔnɔ gunde mɔtɔ a dɛ ŋgá bóso go bɛ́ bɔgɔ naá ombɔ́gɔ yámɛ.

Yɔmɔ́ɔ ndɛ́ gɛasɛ́; mɔtɔ a amɔ́ a dómba naá yɔmɔ́ɔ go go íŋene, a ŋga sɔ́dɔ́; kɔ́ɔ a ŋgaá bɛ́ɛ́mbá, a gɔsɔ a bólɛga, a gídene manyáanya mɛ́hɛ́.

Yɔmɔ́ɔ, ndɛ́ gɛnɔ́gɔ́ gá umbeŋíbéŋí. Ŋgíyimene bɛdómbáa bámɛ, bɛdómbáa bámɛ bɛ́ tɔ́nɔ bɛ́ ŋgíyimene.

Baaba mɔ́ɔ a mbaá bɛ́ ncoóo, a lɛ́ gɛgaaga go buimée, kɔ́ɔ mɔtɔ a dɛ bɛanánáa bogaaga bá go bɔgɔ boóma naá ombɔ́gɔ yá Baaba. Namɛ na Baaba dɛ lɛ́ ummue.»

Aŋa Baaba a ŋgíyimenemú, yɔmɔ́ɔ ŋgíyimene Baaba, ŋgíŋenene gɛɔyɔ gámɛ go bɛdómbáa bamɛ.

«Mɔtɔ a dɛ gɛ́ ŋgúlényée, kanɛ́ yɔmɔ́ɔ kɛ́ íŋenenemú go yɔmɔ́ɔ moatɛ́. Mbɛanana bogaaga bá go gɛ́ íŋene, kɔnɔ bɛanana bogaaga bá go gɔnɔ gɛ́ bɛa. Bɔ́ɔbɔ Baaba a mbaá ŋgoyáná a amɔ́ nco ŋa bɔ́bɔ́ɔ.»

Yésusu go gɔnɔ bayɛga a amɔ́: «Mammana, mammana, ŋgaá nyó oyáná caá: Ndɛ́ gɛasɛ́ gá omɛndɛ́ yá bɛdómbáa.

Mɔtɔ mɔ́ɔnyɔ bá mo soɛnanɛnamɔ́ go go beŋebeŋe bidúgé, mɔ́ɔ a dɛ bɛ́ɛ́mbá moatɛ́ ba bɛ́, aŋa u úlemú a bɛ́ɛ́ ɛ́ná gimóndó, a gúduge na odɛ́dá, a síe a báá cecúgíe bɛdómbáa, gimóndó gɛ́ síene gɛ́ bɛ́ dóda, gɛ́ bɛ́ sélemendie.

«Mammana, mammana, ŋgaá nyó oyáná caá: Mɔtɔ mɔ́ɔnyɔ a ŋamɔ́ a dɛ dómbá naá gɛasɛ́ gá omɛndɛ́ yá bɛdómbáa, a gabogogana go boayá, a lɛ́ uŋgíbi, a lɛ́ gɛkándáa.