Populära bibelverser från Yosua 1

Dela

Ingaranni, Kupauanmoko dikua mumasumanga', mubarani. Danggi' mumalaja', na danggi' too namoro' penawammu, nasaba' Aku' PUANG Allataala to musompa, ssolanko umbo-umbo munii male.”

Ia joo atoran to diuki' llan bo' Taurat, la tatta' mubacan umma'-Ku'. La da'tan mupelajahhi issinna, ammutatta' mpugauk ngasanni to apa diuki' llan. Ia ke mupugaukki susi joo, ia to katuoanmu la manyaman na ia to mupugaukkuna la melo assele'na.

Iara ia, la matappa' tonganko mubarani. La mupugauk tongan to sininna atoran to nabenko Nabi Musa tompangjaman-Na', danggi' lalo na den tangmuingaran, dikua na sininna to apa mupugauk la melo assele'na.

Moi mesa' tau te'da ngkullei ntaloko angge tuomu, nasaba' Aku' tatta' ssolanko, susi Nabi Musa tonna tee tatta' Kusolan. La Kuampai tarruhko, te'da Kulassalaiko.”

Mpatarruhhi kadan-Na Puang Allataala lako Yosua Nakua, “Mangka Kubasse mpake sapah lako tojolomi kumua la Kubenni tee tana Kanaan. Baraniko mumasumanga', nasaba' ikomo la njoloananni tee bangsa la rrampai to tana mangka Kubasse lako tojolomi.

Mangkami Kupau lako Nabi Musa kumua sininna tana to la miolai, iamo la Kuben kamu'

“Matemi Nabi Musa, tompangjaman-Na'. Iamo joo la sadiako mujoloananni to to-Israel llambanni Sa'dan Yordan, mitamaii to tana la Kuben kamu'.

Ia tonna matemo Nabi Musa, tompangjaman PUANG Allataala, mangkada-Mi PUANG Allataala lako Yosua anakkana Nun, wakkele'na Nabi Musa, Nakua

mangpamula llo' mai padang pallawangan ratu re' buntu Libanon, nnola randan Sa'dan Efrat jio kadellekan, na sininna tanana to-Het, angge randan Tasik Tangnga llan kalambunan, ia ngasanmo joo to tana la Kuben kamu' mipupadang.

Inda-inda to cia' nturu' parentata', ba'tu te'da namadoang mpesa'dingngiki', la dipatei. Baraniki', tamasumanga'!”

“Male kamu' llelei ngasanni to tendana to-Israel mikuanni kumua, ‘Pasadiai to kinallomi, nasaba' tallung allomora tamale llambanni Sa'dan Yordan la ntamai tana to Nabenki' PUANG Allataala, la tapupadang.’ ”