Populära bibelverser från JOHN 6

Dela

Jesus ɔdɔhɔ mmɔ ete, Ami ndi uyo uwem: owo eke etienede Mi idikpaha biɔŋ, owo eke onyuŋ ɔbuɔtde idem ye Ami idikopke nsat-itɔŋ tutu amama.

Edi spirit anam owo odu uwem: obukidem inɔŋɔ owo baba udori kiet: mme ikɔ oro ŋketiŋde nnɔ mbufo edi spirit enyuŋ edi uwem.

Ekuŋwana udia eke edibiarade, edi eŋwana udia eke ebigide ɔsuŋɔ nsinsi uwem, emi Eyen Owo edinɔde mbufo: koro edi Enye ke Ete, kpa Abasi, ekefik Enye idiɔŋɔ ke idem.

Koro emi edi uduak Ete Mi, ete, kpukpru owo eke ekutde Eyen, enyuŋ ebuɔtde idem ye Enye, enyene nsinsi uwem; Ami nyenyuŋ nnam enye eset ke Akpatre usen.

Jesus ɔbɔrɔ mmɔ ete, Emi edi utom Abasi, ete, mbufo ebuɔt idem ye Enye emi Enye ɔkɔdɔŋde.

Kpukpru mmɔ eke Ete ɔnɔde Mi eyetiene Mi; ndien owo eke etienede Mi ndibinke enye nduɔk.

Simon Peter ɔbɔrɔ Enye ete, Ɔbɔŋ, nnyin iditiene anie? Afo enyene ikɔ uwem nsinsi.

Ami ndi odu uwem uyo emi okotode ke heaven ɔsuhɔre: edieke owo ekededi adiade uyo emi, enye eyedu uwem ke nsinsi: ndien uyo emi ndinɔde edi obukidem Mi, man ererimbot odu uwem.

Baba owo kiet ikemeke nditiene Mi, ibɔhɔke Ete emi ɔkɔdɔŋde Mi, odudi enye edi: ndien nyenam enye eset ke akpatre usen.

Koro uyo Abasi edi Enye emi otode ke heaven ɔsuhɔre edinɔ ererimbot uwem.

Ami ndi uyo uwem.

Ntre ke Jesus emen uyo; ndien ke Enye ama ɔkɔnɔ ekɔm, Enye edeme uyo ɔnɔ mmɔ oro etiede tie, onyuŋ anam kpa ntre ye iyak ŋko, adaŋa nte mmɔ eyomde. Edi ke ini mmɔ ema ekadia eyuhɔ, Enye ɔdɔhɔ mbet Esie ete, Etaŋ mbubek uyo eke esuhɔde, mbak ŋkpɔ baba kiet editak.

Ntem ke mmɔ ema ekewat esim mile ita me inaŋ, mmɔ ekut Jesus nte asaŋade ke inyaŋ, ekpere ubom, ndien ndik anam mmɔ. Edi Enye ɔdɔhɔ mmɔ ete, Edi Ami; ekufehe ndik.