Populära bibelverser från João 10

Dela

Iwogureu aidure tu tuwo tugeragu boeji boe epiji. Aidure tu tuwo boe ewido. Aidure tu tuwo boe etagedudo. Mare imire ire nono bai poro remawu mogadure. Mare bai poro ji karega inagoino. Boe etumode itae dukeje imode ekodiwado tugodure jiboeji. Ča itaregodure woe iwo boe emugu pemegado. Emugu pemegamode rugadu.

– Jetu pemegare carneiro dogeiwu umode iaboedo tuwido tuwo tagu carneiro doge ekinorudo barege pegareuge epiji. Ča iromode nono nou jetu pemegare carneiro dogeiwu ro mogadure. Mare carneiro doge ewugeje karega imode imagu boe etai. Imode imagu ro pegareuge etai iwo boedo činorudo boe pegareu piji.

Meartorure iwuge eromode nono carneiro doge ero mogadure. Ire nono jeture carneiro dogeiwu mogadure. Mare carneiro dogei karega inagoino. Meartorure iwuge ewiapagamode iwadaruji. Iorduware ei. Ekodumode iregodaji.

Imode emugu pemegado. Du akedumodukare rugadu. Ewimodukare pugeje. Ia boe emodukare tugeragu ei ipiji.

Iwogureu aidure tu tuwo tugeragu boeji boe epiji. Aidure tu tuwo boe ewido. Aidure tu tuwo boe etagedudo. Mare imire ire nono bai poro remawu mogadure. Mare bai poro ji karega inagoino. Boe etumode itae dukeje imode ekodiwado tugodure jiboeji. Ča itaregodure woe iwo boe emugu pemegado. Emugu pemegamode rugadu.

Ča irore nono nou jetu pemegare carneiro dogeiwu ro mogadure. Mare carneiro dogei karega inagoino. Ietu pemegamode boe dogei rugadu. Iogwa Kurireu jorduware i. Iorduware Iogwa Kurireuji jamedu. Nono iorduware meartorure iwugei rugadu. Meartorure iwuge erduware i rugadu. Ire irugadu iwiwo emugato.

Imeardu kurire awu Iogwa ure maku inaiwugei. Iogwa Kurireu jetu pemegamode ei rugadu dukodire ia boe emodukare tugeragu ei Iogwa piji. Iogwa imi čere aino pure tu je.

Ča irore nono nou jetu pemegare carneiro dogeiwu ro mogadure. Mare carneiro dogei karega inagoino. Ietu pemegamode boe dogei rugadu. Iogwa Kurireu jorduware i. Iorduware Iogwa Kurireuji jamedu. Nono iorduware meartorure iwugei rugadu. Meartorure iwuge erduware i rugadu. Ire irugadu iwiwo emugato.

Imi imode imagu boe pegareuge etai itaidu tabo ewo iwido. Itaidumode imode imagu. Itaidumode iewoduwo dukeje iewodumode. Ainore Pao kurireu akore iroiago.

Nono Jesus makore ei pugeje. Akore: – Boe jokodu jire inagoino tawiagai. Ire nono nou carneiro doge eda kejewu bai poro mogadure. Mare bai poro ji karega inagoino.

Nou akure carneiro doge ečewu utugare biagoromodukare tietu pemegawo carneiro dogei. Aku ie karega. Dukodire rekodumode nou barogo pegareu piji. Umode tugera ra carneiro doge epiji. Dukeje nou barogo pegareu umode tugeragu ia carneiroji. Umode nouia carneiro doge edo taodo pubiji toro boe maereu ka.

Jesus akore: – Boe jokodu jire inagoino. Boe emode tagu carneiro doge edu tadawu ibora pemegado eduwo tada boečoji. Jeture carneiro doge eiwu umode turemo etae nou eda ibora baiporoji. Mare iwogureu umodukare turemo nou edu tadawu ibora baiporoji. Umode turemo edu tadawu ibora kujiado.