Populära bibelverser från Génesis 27

Dela

La' i yʌq'ueñet Dios jiñi ye'eb tilem bʌ ti panchan yic'ot wen bʌ lum, yic'ot ca'bʌl trigo yic'ot ca'bʌl vino. La' i yumañetob wiñicob x'ixicob ti' mojt ti' mojt. La' i c'uchchocoñob i bʌ jiñi tejclumob ti a tojlel. La' i yumañetob a werañob. La' i c'uchchocoñob i bʌ a wijts'iñob ti a tojlel. La' chojquicob pejtelel mu' bʌ i p'ajet. La' i tajob i yutslel Dios pejtelel mu' bʌ i yʌq'ueñet i yutslel i t'añ.”

Esaú tsi' jac'ʌ: —Jiñi cha'añ tsa' otsʌbenti i c'aba' ti Jacob, come i cha'yajlelix tsi' chilbeyon c cha'añ bʌ: Tsi' chilbeyon cʌscunlel, wʌle tsa'ix i ch'ʌmbeyon i yutslel a t'añ. Tsi' cha' alʌ: —¿Añ to ba yam bʌ i yutslel a t'añ cha'añ ma' wʌq'ueñon?

Jiñi cha'añ Isaac i tat tsi' jac'ʌ, tsi' su'be: Ñajt mi caj a chumtʌl ti' tojlel jiñi wen bʌ lum yic'ot ti' tojlel jiñi ja'al mu' bʌ i yajlel ti panchan. Mi caj a coltañ a bʌ yic'ot a wespada; mi caj a yuman a weran; pero che' ba' ora ma' p'ʌt-an mi caj a wersa chil loq'uel a bʌ ti' wenta a yum.

Jiñi cha'añ Esaú tsi' su'be i tat: —¿Cojach ba' jump'ejl i yutslel a t'añ, c tat? ¡Aq'ueñon i yutslel a t'añ ja'el! C'am tsi' cha'le uq'uel Esaú.