Populära bibelverser från Génesis 13

Dela

Pejtelel jiñi lum woli bʌ a q'uel mi caj cʌq'ueñet yic'ot mi caj cʌq'ueñob a p'olbal ti pejtelel ora.

Che' bʌ tsa'ix i tʌts'ʌ i bʌ Lot ba'añ Abram, lac Yum tsi' su'be Abram: “Joy q'uele pañimil, q'uele ti norte yic'ot ti sur yic'ot ba' mi' pasel q'uiñ yic'ot ba' mi' bʌjlel q'uiñ.

Mi caj c p'ojlesan a p'olbal che' bajche' i ts'u'bejñal lum. Mi añ majqui mi' mejlel i tsic i ts'u'bejñal lum, mi caj i mejlel i tsic a p'olbal ja'el.

Jiñi cha'añ Abram tsi' su'be Lot: “Mach yomic mi lac cha'len leto, mi jiñic jax xcʌnta tʌñʌme' lac cha'añ yom mi' cha'leñob leto, come la queran lac bʌ.

Jiñi cha'añ Abram tsi' ch'ʌmʌ majlel pisil bʌ i yotot, tsa' majli ti chumtʌl ya' ba'añ alʌ te'el, ti' lum Mamre am bʌ ti Hebrón, ya'i tsi' melbe i pulʌntib i majtañ lac Yum.

Lot tsi' joy q'uele jiñi lum, tsi' q'uele jiñi joctʌl am bʌ ti Jordán ja', wen uts'atax c'ʌlʌl ti Zoar, come mi' bajñel ach'esan i bʌ yilal jiñi lum, che'ʌch yilal bajche' i pʌc'ʌb lac Yum am bʌ ti Edén, yic'ot che' bajche' jiñi lum am bʌ ti Egipto, che'ʌch añ che' maxto añic tsi' jisa lac Yum Sodoma yic'ot Gomorra.