Populära bibelverser från Yühanna 21

Dela

Kene kandaguri ya, ïkïrï Yasu ka tiki a Samaan Bütrüs, “Samaan ꞌbiiꞌbala ya Yühanna nasaasa oꞌo aꞌa natagiiꞌbi tasaasa na kadu tanno nyeꞌdꞌde kungngo?” Iki iini aꞌda, “Ïï, Uugaara, nussu oꞌo aꞌda nasaasa aꞌa oꞌo.” Ïkïrï Yasu ka tiki iini, “Asaana a kidheefele tanno eede.” Afada indini iꞌi afeꞌde, “Ka Samaan ꞌbiiꞌbala ya Yühanna, nasaasa oꞌo aꞌa dhorro?” A Samaan tiki iini, “Ïï, Uugaara nussu oꞌo aꞌda aꞌa nasaasa oꞌo.” Ïkïrï Yasu ka tiki iini, “Asaana a kidheefele tanno eede.” Afada indini iꞌi tiidoona afeꞌde, “Ka Samaan ꞌbiiꞌbala ya Yühanna, nasaasa oꞌo aꞌa?” Ïkïrï Bütrüs ka korooꞌbo kudumma Yasu ka tindini iꞌi tiidoona aꞌda, “Nasaasa oꞌo aꞌa.” Ïkïrï ka tiki, “Ka Uugaara, nussu oꞌo eema nyeꞌdꞌde kungngo, nussu aꞌda nasaasa aꞌa oꞌo.” A Yasu tiki iini, “Asaana a kiꞌbiini tanno eede.

Ara aꞌa tadirina tumma oꞌo dhorro, küdü ka takaleefe takadhilli ya, naga kïrnï enꞌdi küdü ka oona unggodho oꞌo nunggunaana kuꞌbu kita üdü ka asaasa co kita, lakiini küdü kanda dhabbu ya ara oꞌo taꞌdiniga iisine nüüdü cooꞌdo ara ömöꞌdï ökönö ka kïrnï tenꞌdi ümmünü oꞌo ka tino matara co a ꞌbuugu tiya üüdü ka titaalo nasaasa co ya.”

Iki eene, “Aaga raꞌbaga saꞌbaka co ꞌbïïdï ndama ꞌdakeyi ma nïïsö ma kuri ma mürkabü amang kada tümmü nïïmö.” Kïkïrï ka taraꞌbaga saꞌbaka co kitaalo kambaanya töösï, kudumma iini ka tigine a kïlöögö.

Ïkïrï Samaan Bütrüs ka tiki eene, “Ara aꞌa co takinne kïlöögö.” Kïkïrï ka tiki iini, “Ara ungngo co nja oꞌo tekere.” Kïkïrï ka ööꞌdö kürö kaka ka mürkabü, lakiini eege ka ooso tanno ïnꞌdïlï no taalo kümmü mïdïgïlöögö ꞌdo.