Populära bibelverser från Yʉanes 3

Dela

«Zyɛm a be ó si bul laŋle kpɛl bʉr o si nwa. Ebe no ó nye a ntɨh Etiʼe e Mwan le ó, waa nyiwɛh ójyɛʼ taa buʼo boo nye e, aka dim. Nye biʼe tiʼ molu mo mpoʼ mɨmɛh.

Nye a baantɨh Mwan we kaʼ é si nwaʼ ó, nye ntaʼ, ze dwe bʉr o tɨʼ mobe. Nye a ntɨh nye ó, nye dweʼ bʉr bɨbɛh tiʼ molu mo mpoʼ mɨmɛh dumo e nye.

Yesʉs, nye e nye ó: «Me elɛɛ go cyecye ó nɛɛ: ǃɨ mʉr si be, abâʼle byɛl nɛʼɛ, nye abe e nkul ebee Jwɨ̀ʼa mo Zyɛm.»

Mʉr lé ejyɛʼ taa buʼo ye boo Mwan mo Zyɛm ɨ, nye aŋa ka dweŋɔ mobe. To kœb ó, waa ndɨ asa no e, nyiha, nyi bɛa dweŋɔ mobe, ebe, nye apa jyɛʼ taa buʼo ye boo Etiʼe e Mwan mo Zyɛm.

«Mobe maa, mé ódweŋɔ ó, ebe, myɛn, wi ze pan, ze pyal é si nwa. Bʉr bɛɛ bula kpɛl edurʉ, laa myɛn, ebe, bɨsyɛɛla byɔɔ, byé é bebe.

Yé ekʉ jala ó, kum we, nye bwaʼ bwaʼa; waa wam twaʼbe twaʼba.

Mʉr nyiwɛh lé esa ebebe e, nye enwim myɛn waa. Nye abe lé eze fum myɛn lé epan ɨ, ebe, nye ekpɛɛ ó, ebebe le, lé amu jaa gwiha kʉl, bʉr ntɔʼ dwe nye mobe tɨ.

Mʉr lé ejyɛʼ taa buʼo ye boo mwan waa ɛ, nye ó ngo bi tiʼ molu mo mpoʼ mɨmɛh. No ó, waa ndɨ esa Mwan mo Zyɛm ebɨh ɨ, nye aŋa bi tiʼ molu mo mpoʼ mɨmɛh yaa, ebe, Zyɛm ókpaa empime e nye.»

Jwɨʼ gwar e gwar mpʉ Moyiz a nʉa kpɛʼa nyʉa nkoho, pɛn é lɨ, bɨn ye kʉ é feha si ɨ, jwɨʼ gwar e gwar yaa nteme ó Mwan mo Mʉr lé ejala le ebɨnɔ kʉ ɨ.

«Zyɛm Sɔŋ, nye ekpɛl Mwan we. Nyi bɛa gba sa yiyɛh é jwɨ̀ʼa ye.