Populära bibelverser från مَاتِيُ 6

Dela

اَمَّا اَرَنْدٜ طَٻِّتٜىٰ لَامُ اَللَّه اٜ اَادِلَاکُ مَاکٛ، ندٜنْ طُمْ ٻٜيْدَنَيْعٛنْ فُو فِي طُعُمْ؞

نغَمْ نٛنْ، تٛع اٛنْ نغَنُّ اٜ جَانغٛ، نغَمْ جَانغٛ اٜ وٛودِ وَنَّارٜ مُوطُمْ؞ کٛو ندٜيٜ ݧَلْندٜ اٜ وٛودِ وَنَّارٜ مَيْرٜ کٜپَيْندٜندٜ؞

‏«‏نغَمْ نٛنْ، اٜ مِ وِعَعٛنْ، تٛع اٛنْ نغَنُّ دٛوْ جٛنْدٜ مٛوطٛنْ، وَاتٛ دٛوْ کٛ ݧَامٛتٛنْ، کٛو کٛ نجَرٛتٛنْ، کٛو کٛ ٻٛرْنٛتٛوطٛنْ؞ نَاع يٛنْکِ ٻُرِي ݧَمْندُ؟ ندٜنْ نَاع ٻَنْدُ ٻُرِي کٛلْتٜ؟

اَمَّا تَا وَطَيْ دٛعَارٜ، نَتُّ سُودُ مَاطَ مَٻَّا دَمُّغَلْ، تٛرٛطَا ݧَاکٛ مَاطَ مٛ دٛوْ مٛ يِعَتَاکٜ؞ ندٜنْ کَنْکٛ غِعٛووٛ کٛ وَطٜتٜىٰ اٜ سُوطٜ اٛ حٛکّٜتٜ مبَرْجَارِ؞

رَا نٛ نغَطِرْتٛنْ دٛعَارٜ، ‏‹‏يَا اَللَّه ݧَاکٛ اَمِنْ مٛ دٛوْ، اِنْدٜ مَاطَ شٜنِيندٜ مَوْنِنٜىٰ؞ لَامُ مَاطَ وَرَ، کٛ نغِطَّا وَطٜىٰ ندٜرْ دُونِيَارُ، نٛ طُمْ وَطِرْتٜىٰ اٜ دٛوْ؞

حٛکُّمِنْ کٛ مِنْ ݧَامَتَ حَنْدٜ؞

يَافَنَمِنْ حَکّٜىٰجِ اَمِنْ نٛ مِنْ نجَافٛرَنْتٛو غَطَنْٻٜمِنْ کٛ وٛوطَا؞

تَاع اَلُ مِنْ نجَحَ تٛ مِنْ نغَطَتَ حَکّٜ، اَمَّا حِسْنُمِنْ دَغَ کَلُّطٛ؞›‏

‏«‏نغَمْ تٛ اٛنْ نجَافَنَکٜ غَطَنْٻٜعٛنْ کٛ وٛوطَا، ݧَاکٛ مٛوطٛنْ مٛ دٛوْ مَا يَافَنْتٛعٛنْ؞

ندَارٜىٰ شٛلِّ!‏ طِ اَاوَتَا، طِ ڤٜعَّتَا، طِ نغَلَا تٛ طِ ندٜسَتَ ݧَمْندُ؞ فُو اٜ نٛنْ ݧَاکٛ مٛوطٛنْ مٛ دٛوْ اٜ ݧَمْنَطِ؞ نَاع اٛنْ ٻُرِي شٛلِّ دَرَجَ؟

‏«‏تٛع اٛنْ ندٜسَنْ کٛعٜ مٛوطٛنْ جَوْدِ اٜ دُونِيَارُ تٛ مٛوپُ وٛنَّتَندِ، کٛو ندِ ݧٛلَ، کٛو تٛ وُيْٻٜ ڤُسَتَ، نَتَّ، نغُجَّندِ؞ اَمَّا ندٜسَنٜىٰ کٛعٜ مٛوطٛنْ جَوْدِ تٛنْ دٛوْ تٛ مٛوپُ وٛنَّتَاندِ، کٛو ندِ ݧٛلَ، تٛ وُيْٻٜ مبَاوَتَا ڤُسَ نَتَّ نغُجَّندِ؞ نغَمْ تٛ جَوْدِ مَاطَ وٛنِ، تٛنْ ٻٜرْندٜ مَاطَ مَا سٛعّٛتٛو؞

‏«‏وَلَا بَاوَيْطٛ جَغَّنَاکِ جٛومُ وُرٛعٜنْ طِطٛ؞ کٛو اٛ وَݧَ غٛعٛتٛ اٛ يِطَ غٛعٛتٛ، کٛو اٛ مَوْنِنَ غٛعٛتٛ اٛ يَوَنَ غٛعٛتٛ؞ نٛنْ اٛنٛنْ مَا، اٛنْ مبَاوَتَا جَغَّنَاکِ اَللَّه اٜ جَغَّنَاکِ جَوْدِ شَرٜلْ غٛعٛ؞

تٛ اَللَّه اٜ مٛعِّتِنِرَ ڤِنْدِ لَدّٜ نِحِ، حَنْدٜ اٜ ندِ طٛنْ، جَانغٛ ندِ وُلٜىٰ، حَکّٛ اٛنٛنْ، اٛ ٻُرَيْ نٛنْ ٻٛرْنُکِعٛنْ، اٛنٛنْ کٛولِيٻٜمٛ سٜطَّ!‏

اَمَّا تَا حٛکَّيْ مٛ وَلَنَا شَاحُ، تَاع جَٻُ جُنْغٛ نَنٛ مَاطَ اَنْدَ کٛ جُنْغٛ ݧَامٛ مَاطَ وَطَتَ؞ حٛکُّ شَاحُ مَاطَ اٜ سُوطٜ، ندٜنْ ݧَاکٛ مَاطَ مٛ دٛوْ اَنْدُطٛ کٛو طُمٜ غَطَاطُمْ اٜ سُوطٜ، اٛ حٛکّٜتٜ مبَرْجَارِ؞

‏«‏ڤَامٜىٰ تٛع نغَطٛنْ کُوطٜ اَادِلَاکُ مٛوطٛنْ يٜىٰسٛ يِمْٻٜ نغَمْ ٻٜ نغِعَ؞ نغَمْ تٛ اٛنْ نغَطِي نٛنْ، اٛنْ کٜٻَتَا مبَرْجَارِ تٛ ݧَاکٛ مٛوطٛنْ مٛ دٛوْ؞

‏«‏تٛ اٛنْ شُومِي، تٛع اٛنْ مبٛنُّ غٜىٰشٜ مٛوطٛنْ نٛ مُنَافُکِعٜنْ نغَطَتَ، نغَمْ کَمْٻٜ اٜ ٻٜ مبٛنَّ غٜىٰشٜ مَٻّٜ نغَمْ ٻٜ کٛلَّ يِمْٻٜ اٜ ٻٜ شُومِي؞ اٜ مِ وِعَعٛنْ غٛونغَ، ٻٜ نجَادَکٜ ٻٜ کٜٻِي مبَرْجَارِ مَٻّٜ؞ اَمَّا تَا سُومِي، سُلْمَ، مٛيْتَنَا حٛورٜ مَاطَ نٜبَّمْ؞ تَا وَطِي نٛنْ، وَلَا اَنْدَيْطٛ اَ سُومِي، سٜيْ نِ ݧَاکٛ مَاطَ مٛ دٛوْ مٛ يِعَتَاکٜ؞ ندٜنْ کَنْکٛ غِعٛووٛ کٛ وَطٜتٜىٰ اٜ سُوطٜ، اٛ حٛکّٜتٜ مبَرْجَارِ؞