Populära bibelverser från Lugaa 11

Dela

Meih mbuo ndongc naaic waaic nyei mienh zungv hiuv duqv bun longx nyei ga'naaiv meih mbuo nyei fu'jueiv, meih mbuo nyei tin-dorngh Diex corc gauh oix ceix Singx Lingh bun tov ninh wuov deix mienh.”

“Hnangv naaic yie mbuox meih mbuo, oix zuqc tov ziouc duqv. Oix zuqc lorz ziouc buatc. Oix zuqc ngaengv gaengh, gaengh ziouc nqoi.

Weic zuqc haaix dauh tov ziouc duqv. Haaix dauh lorz ziouc buatc. Haaix dauh ngaengv gaengh, gaengh ziouc nqoi.

Yesu ziouc mbuox ninh mbuo, “Meih mbuo haaix zanc daux gaux oix zuqc hnangv naaiv nor gorngv, ‘Zaangc Diex aah! Tov bun mienh taaih meih nyei cing-nzengc mbuox. Tov bun meih zoux Ziouv gunv mienh nyei hnoi taux.

Tov guangc yie mbuo zoux nyei zuiz, weic zuqc haaix dauh dorngc yie mbuo, yie mbuo yaac guangc bun ninh mbuo. Maiv dungx bun yie mbuo buangh seix hnyouv nyei sic.’+”

Yie mbuo hnoi-hnoi qiemx nyei nyanc hopv, tov bun yie mbuo yietc hnoi maaih gaux yietc hnoi nyanc.

Meih nyei m'zing beiv sin nyei dang. Meih nyei m'zing njang nor, ziangh sin ziouc njang nzengc. Mv baac m'zing maiv njang, meih nyei sin ziouc hmuangx nzengc mi'aqv.

“Maiv maaih haaix dauh diemv zieqc dang daaih dorh mingh bingx jienv, fai zorqv tongv nqopv jienv. Dang m'daaih oix zuqc don dang nyei baaih bun bieqc biauv nyei mienh mangc duqv buatc njang.