Populära bibelverser från Genèse 3

Dela

Unimpu mun ká yii busubuee bil ŋān̄ ki mɔ̄ diŋmɔl, ki cáá nnimbitaataam, ki lafun máaǹ kí ŋúbití unil nimbiliŋ, ní u kītì ki ŋmɔ́. U-cal bí u-cee ní u tīī u mun ní u ŋmɔ́.

Ukoobu di nìn nyí diŋmatindi ipeel in ti-Dindaan Unimbɔti nìn náańee kɔkɔ kansikin. Dalbee ní u dɔ́miń ki bí unimpu yii: «Tiŋman ní Unimbɔti lafun lī yii ní taa ŋmɔ́ bukpaa nee poon subiliŋaaa?»

M làá náań kudɔ̀ŋu kí bíĺ sii nì unimpu kansikin, kí bíĺ a-maaliŋu nì u-maaliŋu kansikin. U-maaliŋu làá dāá tāā kí mátí a-yil, ní sii ń dāá jú úǹ tagbíndi.»

Ní u bí unimpu yii: «A nín ŋá miŋyee, m làá gbéeǹ-si timatíǹdi gìńdi. Nì falaa ní a làá nīn màal̀ a-biyaamu. A-cal neeliŋu làá nīn pée cáá-si, ama úǹ di làá nīn cáá sii pu mpɔn.»

See á tɔ̄ ditundi kí káaĺ kutuntuŋu a-yigbeel pu ní kí wàatī kí nín ká tijin kí jī. Án làá nīn pée bí-si míǹ ní, áli á dāá fàtīí gítí ntam min m lēē ki máń-see poon. Kun puee a sá ŋkpɔŋkpɔm ní ki làá fàtīí gítí ŋkpɔŋkpɔm.»

Ní ki bí uninja yii: «A nín ŋá pu ki pílifì a-nimpuu nyɔkɔ ní ki ŋmɔ́ busubu bun bil man kpáafì-si yii á taa ŋmɔ́ee, a-puee m tɔ́ kitiŋ mbusu. A làá nīn ŋáań falaa ní kí nín ká tijin kí jī. Míǹ ní án làá nīn bí-si áli kí tin sāā a-kúm dal.

Ní ti-Dindaan Unimbɔti bí-u yii: «Ŋma tùkū-si yii a bí dicancaŋgbeel? Àá a ŋmɔ́ busubu bun bil m kpáafì-si yii á taa ŋmɔ́ee ní?»

U jìn̄ unil mimmee ní ki cáań keerubimbi ki yóoǹ bukpaayee nyɔkɔpu ŋwìiń nyalaŋki pú, bi ŋúb́ kitàataajiki ki fīintí an ŋmóò làka laka, ki yú dimaŋfal subu saŋŋu pu ki cí-ŋu.

Ní uninja pú u-nimpuu diyindi yii Awa, taapu di sá yii un bí dimaŋfalinee, kun puee úǹ di sá binifoobi kɔkɔ na.