Populära bibelverser från Jɔɔn 6

Dela

Yeezu yaa weeni ba ayen, <<Mi ale nyuvuri ŋandiintaŋa, waai ale a jam mi jigi la kɔm kan yik wa, waai mɛ ale ta siaka ale mu la nyanyuila a kan yik wa.

Waai ale a te nyuvuri la ale Wen Chiika alege nurubiik pagrim an baga a nye kude. Mi ale biisi wie ŋaai a te ni la ale a basi ate Wen Chiika a jam ni jigi.

Ni kan basi ate ni yam meena, a bo ale ŋandiin tii ale ti jam a kaasi la, alege ni basi ate ni yam meena a bo ale ŋandiin tii ale a te nyuvuri dii ale kan ta kpeglimka la. Tii ate Saalɔbiika ale te ni la. Ka dila ale soa ate mi a baga a pai nyuvuri dila a te ni. Wen dii ale ka mi Ko la a za ka mi ŋaaŋ ayen mi ka wa Nidoabili.>>

M Kowa yaalika ale nna ayen waai ale nya Nidoabinni ta siaka ale Wa la, ale te nyuvuri dii ale kan ta kpeglimka la. Wa ale basi ate wa yiti kum po kpeglimka danni.>>

Yeezu yaa weeni ba ayen, <<Ni dan a yaali ayen ni nye ate Wen sui a peenti, ni ta siaka ale mi waai ate wa tom ni jigi la.>>

Baai ate m Kowa a pai te mu la, ale jam m jigi ate m tuesi ba. Mi kan zɛri baai meena ale ba jam mi jigi la diipo diipo.

Simon Piita yaa weeni wa ayen, <<M Nyɔnɔ Yeezu Kirisita, ka wana jigi ate ti a yaali ayen ti cheŋŋi? Fi ale waai ale ta Wen nyuvuri dii ale kan ta kpeglimka la sinsaŋŋa a sak ti.

Mi ale nyuvuri ŋandiin tii ale nyini wenŋmazuk a jam la. Baai meena ale a dɛ ŋandiintaŋa de la ale boro taam wuu. Ŋandiin tii ate mi ayen m pai te ba la ale M nyiŋka, ate tɛŋka demma a nya nyuvuri dii ale kan ta kpeglimka la.>>

Nuru waai an baga a jam Mi jigiya ka m Kowa waai ale tom mu la, dek a nin dari wa a ta jam mi jigi, ate m basi ate wa yiti kum po kpeglimka danni ate wa nya nyuvuri dii ale kan ta kpeglimka la.

Ŋandiin tii ate Wen a te la a nye se ka waai ale nyini wenŋmazuk a jam ayen wa te tɛŋka demma nyuvuri dii ale kan ta kpeglimka la.>>

Mi ale ŋandiin tii ale a te nyuvuri la.

Yeezu yaa pai borobottaŋa ale jumaŋa a puusi a te Wen jiam ayen wa niak ŋandiintaŋa ale ge a pai chari nuruma ate ba ŋɔbi. Ba ale chari waai meena a ga nueri la, ba meena yaa ŋɔbi chak. Yeezu yaa weeni wa ŋaaŋviirɔma ayen, <<Ni cheŋ a ga pisi ŋandiin talaŋa ate bala a kan kaasi.>>

Wa ŋaaŋviirɔma ale dam ba ŋaaruŋku a cheŋ ga paari mɛɛla ŋata yaase ŋanaansi la, ba yaa nya Yeezu ale wa bo nyiamu zuk a cheŋ cheena ba jigi. Ba le ga nya wa la, yɔgsum yaa deri yik ba. Yeezu yaa weeni ba ayen, <<Ka mi. Ni kan chali yɔgsummoa.>>