Populära bibelverser från Лука 9

Dela

– Зыгорэ сауж къырыкӀонэу фаемэ, ежь зыфэе Ӏофхэр къерэгъанэхи, лӀэныгъэм икъащ мафэ къэс къерэшти, сауж къырэрэкӀу, – ариӀуагъ Исус зэкӀэмэ.

– Сыда пӀомэ, хэти зыпсэ мыкӀодэу къэзгъэнэжьынэу фаем ыпсэ шӀокӀодыщт, ау хэти сэщ пае зыпсэ зышӀокӀодрэм ыпсэ мыкӀодэу къыгъэнэжьыщт.

– ПхъэӀэшэкӀыр зыубытыгъэу къызэплъэкӀыжьырэр Тхьэм и Тетыгъошхо фэлэжьэныр ифэшъуашэп, – риӀожьыгъ ащ Исус.

Дунаир зэкӀэ зы цӀыфым ие хъоу, ежь кӀодмэ е ыпсэ иягъэ екӀыжьмэ, а цӀыфым ишӀуагъэу къекӀыщтыр сыда?

Хэти сэррэ сигущыӀэхэмрэ къыттеукӀытыхьэрэм сэ, ЦӀыф Лъэпкъым ы Къуи, а цӀыфым сытеукӀытыхьажьыщт, Ты лъапӀэмрэ мэлэӀич лъапӀэхэмрэ ящытхъушхо фэдэ щытхъушхо сиӀэу сыкъызыкӀожькӀэ.

– Баджэхэм исынхэу бы яӀ, ошъогу бзыухэми набгъо яӀ, ау ЦӀыф Лъэпкъым ы Къо ышъхьэ зэрихьылӀэжьын чӀыпӀэ иӀэп, – риӀожьыгъ Исус.

– Хэти мы сабыир сэ сцӀэкӀэ къезгъэблагъэрэм сэ сыригъэблэгъагъэ мэхъу, хэти сэ сезгъэблагъэрэми сэ сыкъэзгъэкӀуагъэри ригъэблэгъагъэ мэхъу, сыда пӀомэ, шъуащыщэу анахь цӀыкӀур ары анахь ин дэдэр.