Populära bibelverser från Лука 7

Dela

Арышъ осэӀо, шӀулъэгъуныгъэшхо ыгу илъыгъэти, ащ ипсэкӀодшӀагъэхэу бэ хъухэрэр фэгъугъэх. Ау макӀэ зыфэгъугъэм ыгу шӀулъэгъуныгъэ макӀэ илъ. ЕтӀанэ Исус бзылъфыгъэм риӀуагъ: – УипсэкӀодшӀагъэхэр пфэгъугъэх.

Ау Исус бзылъфыгъэм риӀуагъ: – УишӀошъхъуныгъэ умыкӀодэу укъыгъэнэжьыгъ. Гъогумаф. Гупсэф уиӀэу опсэу.

Исус ыкӀыбкӀэ ылъакъохэм къяуцуалӀи, лъэшэу гъызэ, ынэпсыхэмкӀэ Исус ылъакъохэр ыгъэуцӀынхэу ыублагъ. ЕтӀанэ Исус ылъакъохэр ышъхьацыкӀэ ылъэкӀыжьыгъ, ылъакъохэм ябэугъ, осэшхо зиӀэ дагъэри ащифагъ.

Ар зэрэсимыфэшъуашэм пае, уадэжь сшъхьэкӀэ сыкъэкӀонэуи зыфэзгъэшъошагъэп. Ау гущыӀэ закъо къаӀуи, унашъо шӀи, сиунэӀут хъужьыщт. Сыда пӀомэ, сэри лӀы горэм иунашъо ыӀэчӀэгъ сычӀэт, сиунашъуи ыӀэчӀэгъ дзэлӀхэр чӀэтых. Зыгорэм «КӀо» есӀомэ, кӀощт. Адрэми «КъакӀо» есӀомэ, къэкӀощт. СиунэӀути «Мыр шӀэ» есӀомэ, ышӀэщт. Исус ар зызэхехым, а лӀыр ыгъэшӀэгъуагъ, ыуж ит цӀыф купышхоми зыфигъази, ариӀуагъ: – Сэ шъосэӀо, мыщ фэдэ шӀошъхъуныгъэ зиӀэ цӀыф Израиль хэгъэгуми изгъотагъэп.

А мафэхэм сымэджэ Ӏаджи, уз Ӏае зиӀэ Ӏаджи, джынапцӀэ зыхэс цӀыф Ӏаджи Исус ыгъэхъужьыгъэх. Нэшъу Ӏаджи къыгъэплъэжьыгъ. Исус а къэкӀуагъэхэм ариӀожьыгъ: – Жъугъэзэжьи, Ӏофэу шъулъэгъугъэхэмрэ зэхэшъухыгъэхэмрэ Иуан ешъуӀотэжьых: нэшъухэр къэплъэжьых, лъащэхэр тэрэзэу зекӀо мэхъужьых, шъоджэ уз Ӏаер зиӀэхэр псаухэу, къабзэхэу мэхъужьых, дэгухэми зэхахыжьы, лӀагъэхэр къэтэджыжьых, тхьамыкӀэхэми къэбарышӀур зэхахы.