Populära bibelverser från Tuk 25

Dela

Kä cu Kuoth Nhial ɛ loc i̱, “Te jicdu kɛ döör da̱ŋ rɛw, kä bi dap kɛ nɛy da̱ŋ rɛw ti bi ciaaŋdiɛn gua̱c. Bi buɔ̱m ni do̱r kɛl kä min dɔ̱ŋ, kä gat in di̱t ni jɛn bɛ gat in tɔt lätikä.”

cuɛ Je-kɔb lim i̱, “Jio̱mni ɣä ɛn cuɛɛni tɔ̱ luaal tɔ̱tɔ̱ kɛ ɣöö ci buɔth ɣä näk.” Cu luɔt kä mëë cɔaalkɛ ni jɛ i̱ Ɛ-dɔm cua nɔ.

Cu Ay-dhɛk ciekdɛ jääny a thil gat, kɛ kui̱c ɛmɔ cuɛ Kuoth Nhial thi̱ec kɛ kui̱dɛ. Mëë cɛ jɛ thi̱ec, cu Kuoth Nhial palɛ liŋ, kä cu Rɛ-bɛ-ka ruët.

Kä cuɛ Je-kɔb jiök i̱, “Ɛn täämɛ, ci thia̱k ni ɣöö bä muɔn, kä bi gua̱a̱th di̱tädä luɔtdɛ ku la ŋu kä ɣä mi wa̱a̱ li̱w.” Mëë cɛ nɔmɔ lar inɔ, cu Je-kɔb ɛ jiök i̱, “Mi ciɛ nhɔk, jɔl rɔ kɛ yac nhiamdä.” Ɛ jɛn, cuɛ rɔ cu yac nhiam Je-kɔb.

Kä min ci gat in jio̱l ben raar, cua jɛ guɔ̱ɔ̱r ɛ däman a käpɛ ŋul cio̱kädɛ lɛɛr, kä cua ciötdɛ cɔl i̱ Je-kɔb. Mëë dapkɛ kɛ, ɛn guäth ɛmɔ Ay-dhɛk runkɛ kɛ run ti jiɛn bäkɛl ɛgi̱m.

Cu Ay-dhɛk nhɔk ni E-thɔ ɛlɔ̱ŋ kɛ ɣöö jekɛ cuɔm ri̱i̱ŋ le̱e̱yni tin la no̱ŋɛ jɛ. Kä Rɛ-bɛ-ka nhɔkɛ ni Je-kɔb.