Populära bibelverser från Югьан 20

Dela

– Мясляаьт учвуз! – текрар апӀуру Дугъу. – Адашди Узу фици гьаънуш, гьаци Узу учвура гьаъраза. Гьамци дупну, Дугъу дурариин уф илитуру ва кӀуру: – Гирами Рюгь кьабул апӀинай!

– Уву хъугъунва, гьаз гъапиш Узу гъяркъюнвуз? Аммаки хушбахтаврар ву гьадрар, Узу дярякъди, хъугъдар! – кӀуру дугъаз Исайи.

Хъасин Фомайиз кӀуру: – ТӀуб гьачӀабкк! Магьа Йиз хилар. Хил гьачӀабкк ва гъвалак зийниъ убччв! КӀвахъни махьан, аммаки хъугъ! – Йиз Агъа ва йиз Аллагь! – гьарайниинди гъапи Фомайи.