Populära bibelverser från ཡོ་ཧ་ནན། 19

Dela

དེ་ནས་སྐྱབས་མགོན་ཡེ་ཤུས་རྒུན་ཆང་སྐྱུར་མོ་དེ་བཞེས་པ་དང་དོན་གྲུབ་བོ་ཞེས་གསུངས༌རྗེས། ཁོང་གི་དབུ་དུད་ཅིང་སྐུ་སྲོག་ཕུལ་ཏོ།།

དེ་ནས་སྐྱབས་མགོན་ཡེ་ཤུས་དོན་ཐམས་ཅད་གྲུབ་ཟིན་པ་མཁྱེན༌ཏེ། གསུང་རབ་ཀྱི་མདོ་ལས་གསུངས་པ་ལྟར་འགྲུབ་པའི༌ཕྱིར། བདག་ལ་སྐོམ་པ་བྱུང་ཞེས་གསུངས་པ༌ན།

སྐྱབས་མགོན་ཡེ་ཤུས་རང་གི་ཡུམ་དང་གཅེས་པའི་ཐུགས་སྲས་གཉིས་ཀ་ཉེ་འགྲམ་དུ་ལངས་ནས་བསྡད་ཡོད་པ་གཟིགས་ཏེ་འདི་སྐད༌དུ། ཡུམ༌ལགས། ཁྱེད་ཀྱི་བུ་ལ་གཟིགས་དང་ཞེས་གསུངས༌ཤིང༌། ཡང་ཐུགས་སྲས་དེ་ལ་འདི་སྐད༌དུ། ཁྱོད་ཀྱི་ཡུམ་ལ་ལྟོས་དང་ཞེས་གསུངས། དུས་དེ་ནས༌བཟུང༌། ཐུགས་སྲས་དེས་སྐྱབས་མགོན་ཡེ་ཤུའི་ཡུམ་རང་ཁྱིམ་དུ་བསུས་སོ།།

འོན༌ཀྱང༌། དམག་མི་རྣམས་སྐྱབས་མགོན་ཡེ་ཤུའི་སྐུ་གདུང་གི་དྲུང་དུ་སླེབས་ནས་ཁོང་ཉིད་སྐུ་གཤེགས་ཟིན་པ་མཐོང་བས་རྐང་པ་མ་བཅག་གོ། དེ་ནས་དམག་མི་གཅིག་གིས་སྐྱབས་མགོན་ཡེ་ཤུའི་སྐུ་གདུང་གི་གཞོགས་ལ་མདུང་གིས་བསྣུན་པ་དང་འཕྲལ་དུ་ཁྲག་དང་ཆུ་བཞུར༌བ་རེད།

དོན་དེ་རྣམས་ནི་གསུང་རབ་ཀྱི་མདོ་ལས་ཁོང་གི་གདུང་རུས་གཅིག་ཀྱང་གཅོག་པར་མི་འགྱུར་ཞེས༌དང༌། ཡང་མདོ་གཞན་ལས་ཇི་སྐད༌དུ། དེ་རྣམས་ཀྱིས་མདུང་གིས་བསྣུན་པ་དེ་ལ་ཡར་བལྟ་བར་འགྱུར་ཞེས་གསུངས་པ་དེ་འགྲུབ་པའི་ཕྱིར་བྱུང་བ་ཡིན༌ནོ།།

དེ་ནས་དམག་མི་རྣམས་ཀྱིས་སྐྱབས་མགོན་ཡེ་ཤུ་ཁྲིད་པ༌དང༌། ཁོང་གིས་ཀྱང་རང་ཉིད་ཀྱི་ཤིང་རྒྱ་གྲམ་ཁུར་ནས་ཕྱི་རོལ་ཏུ་ཕེབས༌ཤིང༌། མགོ་སྐོགས་གནས་ཞེས་པ་ཨིབ་རིའི་མི་རིགས་ཀྱི་སྐད་དོད་དུ་གོལ་གོ་ཐཱ་ཟེར་བའི་ས་ཆར་སླེབས་སོ།།

དམག་མི་རྣམས་ཀྱིས་ཚེར་མའི་ཅོད་པན་བསླེས་ཏེ་ཁོང་གི་དབུ་ལ་བསྐོན་ཞིང་ལུས་ལ་ཁ་དོག་རྒྱ་སྨུག་ཡིན་པའི་ན་བཟའ་ཞིག་ཀྱང་བསྐོན་ཏོ།།