Populära bibelverser från ཡོ་ཧ་ནན། 16

Dela

བདག་གི་ནང་དུ་ཁྱོད་རྣམས་ལ་ཞི་བདེ་འཐོབ་པའི་ཕྱིར། ངས་ཁྱོད་ཅག་ལ་དོན་དེ་རྣམས་སྨྲས༌པ་ཡིན། འཇིག་རྟེན་འདིར་ཁྱོད་རྣམས་ལ་དཀའ་སྡུག་ཡོད་ནའང༌། ང་རང་ནི་འཇིག་རྟེན་ལས་རྣམ་པར་རྒྱལ་བས་ཁྱོད་ཅག་གི་སེམས་བདེ་བར་གྱིས་ཞེས་གསུངས༌སོ།།

འོན་ཀྱང་བདེན་པ་ཉིད་ཀྱི་དམ་པའི་ཐུགས་ཉིད་ཕེབས༌ཚེ། ཁོང་གིས་ཁྱོད་རྣམས་ལ་བདེན་པ་ཐམས་ཅད་ཤེས་སུ་འཇུག༌ཅིང༌། གང་ཞིག་ཐོས་པ་རྣམས་ཇི་བཞིན་དུ་གསུངས་པ་ལས་རང་འདོད་དུ་མི་གསུང༌ཞིང༌། མ་འོངས་པའི་དོན་རྣམས་ཀྱང་ཁྱོད་ཅག་ལ་གསུང་བར་འགྱུར་རོ།།

སྔོན་ཆད་ཁྱོད་ཅག་གིས་བདག་གི་མིང་ལ་བརྟེན་ནས་ཅི་ཡང་ཞུས་མ་མྱོང༌ལ། ཁྱོད་ཅག་ལ་དགའ་སྤྲོས་ཁེངས་པའི༌ཕྱིར། ད་ལྟ་གསོལ་བ་ཐོབས་དང་འཐོབ་ངེས་སོ།།

འོན༌ཀྱང༌། ངས་ཁྱོད་ཅག་ལ་བདེན་པར་སྨྲ༌སྟེ། ང་རང་འགྲོ་བ་ནི་ཁྱོད་རྣམས་ལ་ཕན༌པ་ཡིན། ང་རང་མ་སོང་ན་སྡོངས་གྲོགས་དེ་ཁྱོད་ཅག་གི་གམ་དུ་ཕེབས་མི་སྲིད༌ཅིང༌། ང་རང་སོང་ན་ངས་ཁོང་ཉིད་ཁྱོད་ཅག་གི་གམ་དུ་མངག་པར༌བྱའོ།། ཕྱིས་སུ་དམ་པའི་ཐུགས་ཉིད་ཕེབས་ཏེ། འཇིག་རྟེན་གྱི་མི་རྣམས་ལ་སྡིག་པ༌དང༌། དྲང༌བདེན། ཉེས་ཆད་གཅོད་པ་བཅས་ཀྱི་ཕྱོགས་ནས་མི་ལ་ཉེས་སྐྱོན་ཡོད་པ་སྟོན་པར་འགྱུར་རོ།།

ད་ལྟ་ཁྱོད་རྣམས་ལ་སྡུག་བསྔལ་ཡོད་ནའང་བདག་ནི་སླར་ཡང་ཁྱོད་ཅག་དང་འཕྲད་པར་འགྱུར༌ཞིང༌། ཁྱོད་ཅག་གི་སེམས་དགའ་བར་འགྱུར་ལ། ཁྱོད་རྣམས་ཀྱི་དགའ་སྤྲོ་སུས་ཀྱང་འཕྲོག་མི་ནུས། ཉིན་དེ་སླེབས་ཚེ། ཁྱོད་ཅག་གིས་ང་རང་ལ་དོན་ཅི་ཡང་མི༌འདྲི། ངས་ཁྱོད་རྣམས་ལ་ཡང་དག་པར་བདེན་པར་སྨྲ༌སྟེ། ཁྱོད་རྣམས་ཀྱིས་ངའི་མིང་ལ་བརྟེན་ནས་ཡབ་ལ་གང་ཞིག་ཞུས་ཀྱང་ཁོང་གིས་གནང་བར་འགྱུར་རོ།།

ངས་ཁྱོད་ཅག་ལ་ཡང་དག་པར་བདེན་པར་སྨྲ༌སྟེ། ཁྱོད་རྣམས་ངུ་ཞིང་མྱ་ངན་བྱེད་ནའང་འཇིག་རྟེན་གྱི་མི་རྣམས་དགའ་བར༌འགྱུར། ཁྱོད་ཅག་ལ་སྡུག་བསྔལ་འབྱུང་ཡང་ཁྱོད་རྣམས་ཀྱི་སྡུག་བསྔལ་དེ་དགའ་སྤྲོ་རུ་འགྱུར་ངེས༌ཡིན།