Populära bibelverser från JOHAN 21

Dela

Chun, zingbu an fâk zoin, Isûn Simon Peter kuomah, “Simon, Johan naupa, hienghai nêk hin nangin kei i mi hmangai lem am?” a ta. Ama chun a kuomah, “Aw, Lalpa, ka ngaina che ti I hriet,” a ta. Ama chun a kuom- ah, “Ka berâmtehai châwm rawh,” a ta. A vawihninaah, a kuomah, “Simon, Johan naupa, nangin kei i mi hmangai am?” a ti nâwk a. Ama chun a kuomah, “Aw, Lalpa, ka ngaina che ti i hriet,” a ti nâwk a. Ama chun a kuomah, “Ka berâmhai enkawl rawh,” a ta. A vawithumnaa chun, “Simon, Johan naupa, nangin kei i mi ngaina am?” a ta. Chun, a vawithumnaah “Nangin i mi ngaina am,” a kuoma a ti lei chun Peter a lungngai a, a kuomah, “Lalpa, iengkim i hriet a, ka ngaina che ti i hriet,” a ta. Isûn a kuomah, “Ka berâmhai châwm rawh.

Titakzetin, titakzetin ka hril che, i naupang lai khan i kâwngah în khit a, i nuomna tieng tieng i fe hlak; nisienlakhawm, i upat pha i kuthai phar i ta, mi dangin khitpêk an ti cheh a, i nuom nawna tieng kei an ti che,” a ta.

Ama chun an kuomah, “Lawng sîr changtieng khan lên dêng unla, hmûng in tih,” a ta. Chun, an dêng a, nga tam lei chun an kei dawk zo ta nawh a.

Simon Peter chun an kuomah, “Nga manin ka fe ding a nih,” a ta. Anni chun a kuomah, “Keini khawm i kuomah hung vêng kan tih,” an ta. An fe suok a, lawngah an chuong a; chu zân chun iengkhawm an man nawh.