Populära bibelverser från Sâint Makyu 6

Dela

Trachiz don prumiérement l' royaûme de Gyu et sa justice, et toutes ches chôses‐là vous s'ront dounnâies pardessus.

N' séyiz don pouìnt en souci pour le lend'maïn; car le lend'maïn aira soin d' li‐même: à chaque jour suffit sa pâine.

Vlà pourqui j' vous dis: N' séyiz pas en souci pour vote vie d' chu qu' ous màng'raïz, ni d' où vous airaïz des hardes pour couvrìr vote corps: la vie n' estalle pas pus qu' la nourriture, et l' corps pus qu' les hardes?

Mais vous, quànd vous voudraïz pryaïr, èntraïz dans vote condan, et quànd vous airaïz frumaï l' us, pryaïz vote Pére en d' muchon; et vote Pére qui vét chu qui s' fait en d' muchon, vous en rèndra la récompense.

V'chìn don coumme vous prieraïz: Notĕr Pére qui' êtes ès ciux, qu' vote nom sét sànctifiaï: Qu' vote régne vienge: Qu' vote volèntaï sét faite sus la terre coumme au cieil

Dounnaïz‐nous agnett note païn d' tous les jours.

Et r'mettaïz‐nous nos dettes, coumme je r'mettons étout leux dettes à chaeux qui nous dévent

Et n' nous laissiz pas quaie en tèntâtion; mais délivraïz‐nous du malìn. Aïnchìn sét‐i.

Car s' ous pardounnaïz ès hoummes leux méfaits contĕr vous, vote Pére céleste vous pardounn'ra étout les vos.

R'gardaïz ùn p'tit les mouissons du cieil: i n' sément pouìnt, i n' scient pouìnt d' bllaï, et i n' amâssent rien dans des grigners; mais vote Pére céleste les nourrit: n' êtous pouìnt bien au‐d'ssus d' aeux?

N' vous amâssaïz pas des tĕrsors sus la terre, où l' roût et les vers les gâtent, et où les larrons les déterrent et les volent. Mais amâssous des tĕrsors dans l' cieil, où ni l' roût ni les vers n' les gâtent, et où i gn' y' a pas d' larrons qui les déterrent et qui les volent. Car où vote tĕrsor est, ch' est là qu' vote coeur est étout.

Nul houmme ne peut servìr daeux maîtres; car, de daeux chôses l' une, i haïra l' ùn et aïm'ra l' aûtre; ou bien i s' soumettra à l' ùn et n' f'ra aûcùn cas d' l' aûtre. Vous n' pouvaïz pas servìr Gyu et les richesses.

Si don Gyu a soin d' grâie coumme chun'na une herbe des càmps, qui' est agnett en essence, et qui d'maïn s'ra houlâie au fouar; combien pus aira‐t‐i soin d' vous grâie, ô hoummes de p'tite foué!

Mais quànd vous faites vote chéritaï, qu' vote maïn gaûche ne sache brìn chu qu' vote dêtre fait; A ceulle fìn qu' vote chéritaï sét en d'muchon: et vote Pére qui vét chu qui s' fait en d'muchon, vous en r'compènsera.

Gardous bien de n' pas faire vos bouannes œuvres d'vànt l's hoummes pour en êtĕr r'gardaïs; aûtĕrment vous n' en r'chevraïz pas la récompense d' vote Pére qui' est dans les ciux.

Et quànd vous junaïz, n' séyiz pas tristes coumme lĕs hypocrites: car i s' font des visages tout défaits, à ceulle fìn que l's hoummes sachent qu' i junent. J' vous dis, et ch' est la véritaï, qu' il ont r'chu leû récompense. Mais vous, quànd vous junaïz, parfumaïz vote tête, et lavaïz vote fache; A ceulle fìn de n' pas faire paraître ès hoummes qu' ous junaïz, mais à vote Pére qui' est là en secrét; et vote Pére qui vét chu qui' est là en secrét, vous en r'compènsera.