Populära bibelverser från Mbụlembu 6

Dela

Onye-Nwe-Ọha tsọo áwhụ lẹ ya meru madzụ dobe lẹ mgboko; o ghua ya eghu shii l'ime obu.

Onye-Nwe-Ọha bya elee ẹnya whụ g'ejo-ememe madzụ habe shii lẹ mgboko; l'iwhe l'agbajẹ madzụ l'uche ntekenteke bụ ọriri ome ejo-iwhe.

Ọle Nowa bẹ tụbaru Onye-Nwe-Ọha l'obu.

Ọ waa bụ akọ ẹhu Nowa. Nowa bẹ bụ onye, dụ chịriri, bụru onye ụta l'adụa lẹ ndzụ iya lẹ ndu nteke ono yẹle Chileke tụkwaawho ọli.

Onye-Nwe-Ọha sụ: “Mu l'e-me tẹ madzụ ono, mu meru tọhu lẹ mgboko. Madzụ l'a-tọhu, anụ atọhu, iwhe l'awụ l'ẹwho atọhu, ẹnu l'ewhe l'eli atọhu; o noo nkele ọo awhụ tsọru mu lẹ mu meru whẹ.”

Tọ dụ iya bụ, madzụ wata ọka shi eje eje lẹ mgboko; l'aanwụshiru whẹ ụnwu-nwada. Ụnwu Chileke lee ẹnya whụ l'ụnwu-nwada madzụ l'amakaa ụma; whẹ je ahọta-gee ndu dụ whẹ ree lụlahaa. Onye-Nwe-Ọha sụ: “Ume mu ta anọgbuduru madzụ l'ime jeye lẹ gbururu, o noo nkele iwhe madzụ bụ, bẹ bụ anụ ẹhu mmaanụ. Watalẹwho ntaa; iwhe l'ọo-nọ-beje bụ ụkporo awha ugbo ishii.” Nteke ono bẹ ndu mkparawa nọkwadu lẹ mgboko; nọdukwa iya whọ kwasẹru. Nteke ono bụru nteke ụnwu Chileke watarụ anọ alarụ ụnwu-nwada madzụ l'ụlo, whẹ nwụshiaru whẹ ụnwu. Ọgbo mkparawa bụ ndu a marụ ẹwha whẹ l'oge ndụ-ichee l'ọkpehu, dụ whẹ nụ.

Nowa mekotagezhia iwhe lile ono ẹgube Chileke sụru t'o mee ya.

Ọo ya bụ Chileke sụ Nowa: “Mu chịpyawaru iya l'ime obu mu lẹ mu l'e-me tẹ madzụ l'owhu tọhu, o noo nkele iwhe jiru mgboko bụ iwhe ọkpehu; ọ bụru madzụ bẹ kparụ iya nụ. Sụa, mu l'e-mebyishi madzụ; mebyishia mgboko.

Ọo ya bụ, gude oshi gofa kụa eze ụgbo, gụ ekebushia ya ekebushi t'o nwegeeru ime mkpu, gụ egude ụ̀nwù dachishia ime iya mẹ azụ iya.

Chileke bya awhụ gẹ mgboko mebyishihuberu nkele madzụ nọ lẹ mgboko mebyishigewaru onwowhe.

Gụ ahọo iwhe lile, nọ ndzụ ẹbo-ẹbo okee lẹ nyee; wobata l'ime ụgbo ono; dobe whẹ ndzụ tẹ whẹ nọkube ghu.