Populära bibelverser från Lucas 3

Dela

Y chundeó, que sasta sari a sueti lillase o bordelipen, tramisto sinaba bordelado Jesus; ta sinando ó manguelando á Debél, se despandó o Tarpe: Y pejó ostely opréle o Chanispero Majaro andré trupo, sasta ballestero: y se juneló ocono gole del Tarpe: Tumen sinelas minrio Chabal camelado; andré tumen menda me alendelo.

Rudeló Barsané, y penó á os sares: Menda en chachipen muchobelo sangue andré paní: Tama abillará avér baributér silno que menda, de or sos ne amolelo de despandar os jurnies de desqueres tirajais: ocola muchobelará sangue andré o Chanispero Majaro, ta yaque

Querelad pues frujería digna de aberuco, y na os chitelais penar: Terelamos por batu á Abraham. Presas sangue penelo, que astisarela Debél de cabas barendañias surdinar chabores á Abraham.

Presas acana sinela chitada la chinaora á la penebrí es eruques, ta saro eruque, sos na diñele frujería lachí, sinará velado, y chibado andré a yaque.

Sasta sinela randado andré o criscote de las caremas de Isaias Propheta: Gole de yeque garlando andré o torbergelí: Vriardad o drun ye Erañoró, Querelad bastarrias as fedas de leste. Saro jinco tan se perelará; y saro bur y plai se pejerá: y o techafao sinará enderezado: y os drunes parabaos quejelános. Y dicará sari maas a berabea de Debél.