Populära bibelverser från LUKA 13

Dela

Ogiilgei obun kurgeet ne mariich: amu amwaiwok ale, cheeng'ei tuun che chaang' kobun yooto, ago ma tuun imuuchi.

Ak ogeero, kobogoryot age ne ki tinyei tamirmiryet ne po nyalulet kenyiisyek taman ak sisiit; ak kigarigak, ak ki ma kota komuuchi kochuulgei agot kitigin. Ak kingo keer `Jeso ineendet, koguur ak koleenji, “Kobogoryondoni, kagityachin eng' nyaluleng'ung'.”

Ak ki igonoor eunekyik ineendet, kochuulak sainooto ak kolas Kamuktaindet.

Ak ogeero, mi che po let che tuun egu che po tai, ak miitei che po tai che tuun egu che po let.

Ak ye tuun kang'eet chiitap ko po koot, ak koger kurgeet, ak otau anyun otononse eng' saang', ak ogonygony kurgeet, ole, “Kiptaiyat, yaatwech.” Ak kowolwok ineendet kole, “Mangenok, ak ole obunu.”

Amwaiwok ale, Achicha: ago, ngot ko mosigu ak okweek, olustosi tugul ko uu nooto.”

Ak tuun mwaei kole, “Mangen ole obunu; oba eng' anee, okweek tugul yaigap tengek!”

Ki mwa anyun, kole, “Kergei laitornatetap Kamuktaindet ak nee? Ak tos aroge nee? Kergei ak keswootap karadali, ne ki nam chiito, ak komiinji mbareennyi; ak ki piit, agoi koek keetit; ak ki tebee toriitik che po parak mooriikyik.”