Populära bibelverser från Ibeb 32

Dela

Ogwu enerieen̄ ya onenibe ọmọ, “Erieen̄ kwun̄ ìkpoyaka ire Jekọp, ìboyaka inire Ijeren, mije, owu ogọọk Awaji melek ebilene itap àlo, mè itim ikpan̄.”

Ogwu enerieen̄ ya onenibe Jekọp, “Tele mè m̀fo, ke egwe môniwele.” Ire, Jekọp ofọfọọk ibe, “M̀kpatele owu òfo, îtata mè owu ògbagbana emi.”

mè inikup ọmọ gaalek me agan̄ ya. Me eririeen̄, enerieen̄ ge osisibi inu, mè initap àlo melek kan̄ ejit yaage ire agan̄ egwe.

Jekọp oneninyi ere ya erieen̄, Penien, mije, ìtumu ibe ke ọmọ îmun̄ Awaji isi mè isi, mè iluk ugwem.

Mgbọ ogwu enerieen̄ ya omun̄be ibe ke ọmọ ìkakọt ìtọbọ Jekọp me ijọn̄, isusulu Jekọp me otu ukwuuk ekwut ebon, ukwuuk ya okwakwala me otu usọk.

Ogwu enerieen̄ ya ododo Jekọp ibe, “Keke ore erieen̄ kwun̄?” Jekọp ofọfọọk ibe, “Erieen̄ n̄a ìre Jekọp.”

Jekọp onenibe ogwu enerieen̄ ya, “Soso bak erieen̄ kwun̄ nyi emi ma.” Ogwu enerieen̄ ya ododo ọmọ ibe, “Ìre keke orọ okido erieen̄ n̄a?” Igbagbana Jekọp me ere ya.

Me atikọ, emi ogwu usun̄ kwun̄, ǹkagbe ogwu owu obokaan̄ ata ejit me lek, mè irọ si atikọ inyi, kubọk owu orọbe inyi emi. Mgbọ nsababe okwaan̄ Jodan yi me adasi mgbọ, ǹkaan̄ mkpat gaalek me ubọk. Ire, me mgbọ keyi, mmumana iwa iso urum iba.

Mije keya, mege inire chereyi, ebi Ijeren kpekitaka nlik ibot usọk ukwuuk ebon anam, mije ogwu enerieen̄ ya osulube Jekọp me lek nlik ibot usọk ekwut ebon.

Jekọp oneniriaak uriaak ibe, “Jei, Awaji kè nte nte n̄a Ebereyam mè Awaji kè nte n̄a Ajiki! Jei Okumugwem, ke owu otumu inyi emi ibe emi ǹgwu ǹkom m̀fo ido kiji mè ama n̄a, ke owu môrọ inyi inu ije ijaan̄ emi me lek.

Soso, nyan̄a emi sibi me ubọk kè Isọ ngwan̄ n̄a. Mije, emi ǹkifieek owot me lek ngwan̄ n̄a, ibe ke môben akọn̄ inu emi me lek, mè inikpan̄ emi mè nsabọn chi, mè ebi nga kiban̄.