Populära bibelverser från Ibeb 27

Dela

Kè Awaji irọ inyi mbat ònan̄a me inyọn̄ irep igwook me emen uko kwun̄, mè ijọn̄ uko kwun̄ itibi mfut iwa enenen, mè akpa kwun̄ ito mfut ogbogbo, mè uko gerep kwun̄ isibi miin̄ iwa enenen inyi owu. Kè Awaji irọ inyi owuwa ido ekesi ikwaan̄ enyi owu, mè ebi owuwa ido eketọbọ ibot me ijọn̄ enyi owu. Owu môre ogwu ibot inyi ebi ngwan̄ kwun̄, kè otutuuk bọn owot iman kè nga kwun̄ ekegele ibot esiki enyi owu. Ogwu ifieek otu inyi owu, Awaji môfieek otu inyi ene ya; ogwu igbana owu, Awaji môgbana si ene ya.”

Isọ obebe, “Jei, mkpọ si egwenbe ọmọ Jekọp. Òso mgbọ iba ire eya îfiaan̄be emi ibọkọ irek n̄a. Adasi mgbọ, îfiaan̄ emi ibọkọ irek adasi gwun̄, mè iyaka inibọkọ si ugbana n̄a mgbọ keyi.” Isọ onenitumu inyi ogwu ute ibe, “Jei nte n̄a, ìre owu òkasik kubọk sọntiik ugbana geege ìnyi emi ni?”

Ajiki ogwu ute onenifọọk ọmọ ibe, “Owu òboluk me ere ijọn̄ ìkakitibi inu, mè ere mbat ònan̄a me inyọn̄ ìkpokirep igwook me ijọn̄. Oge akọn̄ kwun̄ ke obokisa inyan̄a lek kwun̄, mè ikisi ikwaan̄ inyi ngwan̄ kwun̄. Ire, mgbọ òkinu owu môtimbe etim me lek kan̄, mè isan̄a lek kwun̄ isibi me irak ubọk kan̄.”

Isọ orariaak ogwu ute ibe, “Jei nte n̄a, ìre ugbana ge gaalek ke okaan̄ ni? Soso gbana emi si ma!” Isọ obebene ida ikitaan̄ ukpo ito ujat ito.