Populära bibelverser från Dəkəcop 3

Dela

Kɔ wəran ɛnəŋk a pokom pa kətɔk pɔmbɔt kədi, pɔmbɔt kəmɔmən, pɛntam kəsɔŋ kəcərɛ pətɔt kɔ pəlɛc. Kɔ wəran oŋgbotu pokom k'endi. K'ɔsɔŋ wos wəkɔ ŋanasol mɔ, kɔ wəkakɔ sɔ endi.

Abok ŋɛnacərɛ mes ŋɛtas sɛm ya dalɛ fəp nyɛ MARIKI Kanu ɛnawurɛ mɔ. K'abok ŋeyif wəran: «Kanu kəloku nu ti yati a ta nədi yokom ya tɔk ya dalɛ dandɛ ba?»

Kəbɛrəs əm k'inder dacɔ kɔ wəran, kəyɛfɛ nəna haŋ awut a wəran kəbəp awut a məna, abok! Wəran ende pəcputək əm domp, məna abok, məcŋaŋ kɔ dəmnɛ atek.»

Kɔ Kanu kəloku wəran: «Indeyɔ kəbɛkəs kam kəccu'm. Pəcuca pɔ mənde məckom. Mɛfaŋ mam məndekɔ nda wos əm. Mba endetasərn'am.»

Kawonɛ ka tobu tam kəndesɔŋ'am kəcsɔm kəcom haŋ tɛm ntɛ məndelukus dəntɔf nde məyɛfɛ mɔ. Bawo kəbof kɔ məyɔnɛ, dəkəbof məndesɔlukus.»

Kɔ Kanu kəloku wərkun: «Bawo məncəŋkəl dim da wəran kam, kɔ məndi pokom pa kətɔk nkɛ inamɔn'am kədi mɔ, indesɔŋ antɔf pəlɛc tetam: Pəcuca pɔ mənde məcsɔtər ŋi yeri yam dɔsɔk o dɔsɔk kiyi kam doru fəp.

Kɔ MARIKI eyif kɔ sɔ: «Anɔ'mentər əm a kəsɔkər kɔ məwur-ɛ? Cepɔ məndi pokom pa kətɔk kəŋkɔ inamɔn'am mɔ ba?»

Ntɛ MARIKI Kanu owurɛnɛ fum dalɛ da Edeŋ mɔ, k'ɛncəmbər mɛlɛkɛ kerub ntende dec dɛmpɛ dalɛ da Edeŋ, kɔ dakma ndɛ dencfikəlɛ dɛccɛsəŋɛ nɛnc, ntɛ tɔŋsɔŋɛ ta alɔtərnɛ kətɔk ka kəyinɛ wəyeŋ mɔ.

Kɔ wərkun ɔsɔŋ wəran kɔn tewe ta «Hawa», bawo nkɔn Hawa ɔyɔnɛ iya wəka afum a doru fəp.