Populära bibelverser från RAPHA HIQWA LAK 6

Dela

Kra chhiraüta apaiq ka maiqse ka jaramli wa phansang kang kiimaq hiqraikhü na jaram li wa tiisikang nguta kai atsan bito. Apaiq ka kai tiishudaqto.

Riita TATIWE raq hiqraikhü na siti maiqse angu kunli ka pinthum abi siisaq chhito kiimaq tsangshiq tiima tsantsii ka wranaiqshe pinthum abi siisaq chhito.

Shatmaq TATIWE ka Nowaq rai tsan aheawiq sito.

Arka Nowaq manphan. Asetiim ka wetsam, Shem, Ham, kiimaq Japheth. Nowaq ka jamlai shut phit min ahü riito. Kiimaq apaiq pat wa maiqshaq ka apaiq kli riito. Apaiq ka Shiikeawe rai rintiishi maq sito.

Kra ningkhan apaiq raq akha nguto, “Ngi raq aphan sangha maiq thun ara wiita miqchup mishthen baiqha. Kiimaq ngamsaü ngiqse thun nai peshap wushi thun kiimin mishthen baiqha. Jamkhano ngukla Ngi raq tsangshiq phansang kang kra khana kai tiishudaq tiikang.”

Maiq phan ka puwan raüta mangjong hiq raikhü na wiita nyam wanto. Kiimaq jechaksere thun ka hum wanto. Kiimaq ra na siti thun raq ara jechaksere ka shamhea wiqsetiim chhito. Krai mren tsangshiq raq aro aroti ka tsangshiq raq lamto. Kiijiishe TATIWE raq nguto, “Ngi raq maiqse ka pattup pat-sa tiisi mang. Tsangshiq ka atsaikaiti. Ümchaü miiphat sanha tsangshiq rilung ka wiishishi ri wiiroqnai thaq niika simak miraq.” Kiitinchoji akhing na, kiimaq kriima jai niimin, hiqraikhü na siti maiq phan jechakre nai ra na sitibi setiim maiq jonghea phan ka mangjong hiq na asi riito. Tsangshiq ka pinthum srea nola jongbi riito kiimaq tsangshiq ka richü pat na ratsa ikha tsakito.

Kiimaq Nowaq raq Shiikeawe raq aming kuqtaq kra phan phan kloto.

Kriikha na Shiikeawe raq Nowaq ma nguto, “Ngi raq maiq phan tlotli ka chongthum mitiijabaiqha. Ngi raq tsangshiq ka tiisiirai mitiithen baiqha. Jamkhano ngukla mangjong hiq ka tsangshiq mat kha tsa kha riili she wiita ma wanto.

Arningkhan, ümnaq miitu pe ahea phan khunda lam laüta, lai ashi hailaq. Laüta lai mong na khok thun hailaq. Kiimaq among thun nai akii thun ka kaichang tai maq lolaq.

Shiikeawe raq mangjong hiq ka liito. Kiimaq mangjong hiq ka abi chhito. Jamkhano ngukla maiqse kunli ka abi kiimungti siisaq.

Kiimaq ümniirai lai mong na nyamse phan kunli wa ali ashi akaü ashi kiimaq wushi phan ngusaq wiita wa ali ashi akaü ashi alai ma thülaq.